Aqtóbede qazaqsha kúresten jarys kezinde 15 jastaǵy jasóspirim kóz jumdy

Foto: tengrınıýs

Aqtóbede qazaqsha kúresten jarys kezinde 15 jastaǵy jasóspirim kóz jumdy, dep habarlaıdy  qandastar.kz

Oqıǵa 2025 jyldyń aqpanynda bolsa da, marqumnyń týystary qaıǵyly oqıǵa týraly endi ǵana aıtýǵa bel baılaǵan. Jasóspirimniń ata-anasyna Astanadaǵy kúres jarysy kezinde bolǵan oqıǵa áser etipti.

Aqtóbedegi saıysqa 15 jastaǵy Rahymjan Elepbergenov óz bapkerimen birge Rodnıkovka aýylynan kelgen. Sparrıng kezinde qarsylasy jasósipirimdi kóterip kilemge laqtyrǵan. Jasóspirim jaǵdaıy nasharlap, basyn ustap, kilemde jatyp qalǵan.

“Vıdeoda ulymnyń uzaq ýaqyt qınalyp jatqany kórinedi. Zal tolyq bolsa da, eshkim nazar aýdarmaǵan. Biraz ýaqyttan keıin bir bapker, keıin basqalary keledi. Biraq ol kezde Rahymjan esinen tanyp qalǵan”, – deıdi jasóspirimniń ákesi Nurlybek Muqanǵalıev.

Jasóspirimdi aýrýhanaǵa alyp kelgende dárigerler dereý komaǵa túskenin anyqtap, mıyna qan quıylǵanyn habarlaǵan. Týystarynyń aıtýynsha, oqıǵadan 28 saǵat ótken soń ǵana bas súıegine ota jasalǵan. Otadan keıin ol 42 kún boıy es-tússiz jatypty.

2025 jyldyń 5 sáýirinde jasóspirim ómirden ótti.

Keıinirek ata-ana uldary jaraqat alǵan kúni jıynda dárigerler bolmaǵanyn, sportshylardyń qasynda alǵashqy medıınalyq kómek kórsete alatyn adam bolmaǵanyn bilgen.

“Jıyn qazaqsha kúres federaııasynyń bastamasymen ótken. Nysanǵa medıına qyzmetkeri bekitilgen, biraq dál sol kúni ol densaýlyǵyna baılanysty demalysta bolǵan”, – deıdi Aqtóbe oblysy dene shynyqtyrý jáne sport basqarmasynyń basshysy Meırambek Mahambetov.

Rahymjannyń ata-anasy kómek ýaqytynda kórsetilse, qaıǵyly oqıǵanyń aldyn alýǵa bolar edi degen pikirde.

Polıııa sporttyq jıyn kezinde bolǵan oqıǵa boıynsha “qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý nemese qyzmet kórsetý” baby boıynsha qylmystyq is qozǵaǵan.

Skifnews.kz jazǵandaı, keıinirek tergeýshiler isti jaýyp tastaǵan. Ulyn joǵaltqan ata-ananyń tergeýmen aınalysýǵa shamasy bolmapty. Keıinirek olarǵa tek jasóspirimdi jıynǵa aparǵan bapkerdiń jumystan bosatylǵany habarlanǵan.

“Barlyq tergeý sharalary tolyq júrgizildi, sonyń ishinde beınebaqylaý kameralarynyń jazbalary qaraldy, kýágerler men kórgen adamdardan suraý alyndy. Qylmystyq quqyq buzýshylyq quramy bolmaǵandyqtan, qadaǵalaýshy organnyń kelisimimen qylmystyq is toqtatyldy”, – delingen Aqtóbe oblystyq polıııa departamentiniń habarlamasynda.