Aqtóbede kópbalaly ana balyqtan ýlanyp, aıaq-qolynan aıyrylǵan

Foto: skrın

Alty balanyń anasy 29 jastaǵy aqtóbelik Botagóz bazardan Araldyń balyǵyn jeımin dep, ómirin túbegeıli ózgertken oqıǵaǵa tap bolǵan, dep habarlaıdy qandastar.kz aqparat portaly Azattyq Rýhy-na silteme jasap.

Tamyz aıynda Aqtóbeniń Astana bazarynyń qasynan Araldyń balyǵyn satyp aldym. Keshke ol balyqty tek ózim jedim. Balalaryma da, joldasyma da bermedim. Sol kúni túnde oıanyp ketip, dárethanaǵa júgirer jolda shydamaı, qatty qusyp jiberdim. Qyzýym 40 gradýsqa kóterilgen. Sol kúni de, kelesi kúni de aýyrdym. Biraq úıdiń sharýasymen oǵan qatty mán bermedim. Besinshi kúni mıym sóne bastaǵan. Shyntaǵymnan bastap qolym, aıaǵym, murnym kógerip ketken. Joldasym úıge kelgen soń «seni bireý urdy ma?» dep shoshyp ketip, keıin jedel járdem shaqyrdy, – deıdi Botagóz.

Onyń aıtýynsha, jedel járdemge balyq jegenin aıtqan.

Birden jansaqtaý bólimine tústim. Aǵzalarym jumys istemeı, búıregim jumysyn toqtatty dep jaqyndaryma aıtqan eken. Menıngıt, sepsıs jáne gangrena degen dıagnoz qoıdy. Qolym men aıaqtarymnyń basy túgel qaraıyp ketti. Qol-aıaǵymnyń ushtary qaraıyp, ony kesip tastaýǵa týra keldi. Sap-saý bolyp júrip, bir-aq kúnde múgedek atandym. 2 aı ishinde 4 ota jasaldy. Barlyǵyn basynan bastap jatyrmyn. О́zimdi qalaı bar, solaı qabyldadym, – deıdi ol.

Qazir kópbalaly ananyń aıaq-qolyna protez qajet. Olar ony alý úshin halyqtan kómek surap jatyr.