Aqtóbege qonǵan ushaqta kelinshek qaza tapty

Búgin saǵat 12:40-ta Aqtóbe halyqaralyq áýejaıyna Nordwind Airlines reseılik áýe kompanııasynyń Ekaterınbýrg – Sochı baǵyty boıynsha ushyp kele jatqan Boeing-777 ushaǵy shuǵyl qondy, dep habarlaıdy Qandastar.kz aqparattyq portaly.

Ushaqtyń jospardan tys qonýyna borttaǵy jolaýshylardyń biriniń ózin kenet nashar sezinýi sebep bolǵan.

«Ushaq qonǵannan keıin áýe kemesine shuǵyl áreket etý qyzmetteri men medıınalyq brıgada dereý jiberildi. О́kinishke oraı, qabyldanǵan barlyq sharalarǵa qaramastan, jolaýshyny qutqaryp qalý múmkin bolmady. 1983 jyly týǵan áıel jolaýshy Aqtóbege qonǵanǵa deıin kóz jumdy», – dep habarlady Aqtóbe áýejaıynyń baspasóz qyzmeti.

Aqtóbe halyqaralyq áýejaıy marqumnyń týǵan-týystaryna jáne jaqyndaryna shyn júrekten kóńil aıtady.

«Biz áýe kemesi ekıpajynyń kásibı áreketteri men jerdegi qyzmettermen ózara is-qımylyn joǵary baǵalaımyz. Atalǵan oqıǵa boıynsha quzyretti organdarmen belgilengen tártipte jumys júrgizilip jatyr», – dep qosty áýejaıdyń baspasóz qyzmeti.