Aqyly oqıtyn stýdentter bilim alýǵa jylyna qansha qarjy jumsaıdy?

Qoldanystaǵy zańnamaǵa sáıkes eldegi ýnıversıtetter oqý aqysyn ózderi belgileıdi.
Ulttyq statıstıka bıýrosynyń málimetterine súıensek, Qazaqstanda 112 joǵary oqý orny bar. Stýdentter qalasy atanǵan Almatyda 37 JOO bolsa, Astanada – 14. Shymkent jáne Qaraǵandyda 8 ýnıversıtetten bar. Menshik nysanyna qatysty bóletin bolsaq, respýblıkada 44 memlekettik, 67 jeke menshik, 1 shetel menshigindegi joǵary oqý orny bar.

«Máselen, ulttyq ýnıversıtetterdegi grant quny 1 mln 200 myń teńge bolyp belgilengen, al bir jyldyq oqý aqysynyń quny 500-550 myń teńge mańaıynda. Árıne, KIMEP, Narhoz sekildi jeke menshik JOO-lardaǵy oqý aqysy joǵary. Biraq olar bilim sapasyna jaýap beredi. Memlekettik ýnıversıtetterdi qatań baqylap otyramyz. Baǵa dıapazonyn grant qunyna qaraǵanda tómen deńgeıde ustaýǵa tyrysamyz. Sondyqtan da bul másele baqylaýda tur», — dedi mınıstr.