«الالاعانداي بولدىق»: بەلگىلى زاڭگەر وليمپيادادان كۇمىس العان ناريمانعا ەشتەڭە بەرمەگەن حالىققا رەنجىدى

فوتو: اشىق دەرەككوز

قازاقستاندىق زاڭگەر ءلاززات احاتوۆا پاريج وليمپيداسىنان كۇمىس مەدال اكەلگەن گيمناست جىگىت ناريمان قۇربانوۆتىڭ سىيلىقسىز قالعانىنا رەنجىدى. بۇل تۋرالى ءلاززات احاتوۆا الەۋمەتتىك جەلىسىندەگى پاراقشادا مالىمدەدى, دەپ حابارلايدى Skifnews.kz اقپارات پورتالى.

«مەدال الماعاندارعا دا كولىك سىيلاپ جاتقان جومارت قازاق, قولانى التىنعا بەرگىسىز ەتىپ, قارسى الىپ جاتقان قازاق, ءتىپتى 9-ورىن الىپ كەلگەن سپورتشىعا استانادان پاتەر بەرىپ جاتقان قازاق, ءبىر ناريمانعا كەلگەندە, تارىلعاندارى قىنجىلتتى», دەپ جازدى ءلاززات احاتوۆا.

ونىڭ ايتۋىنشا, سپورتشى ەلىمىزگە كۇمىس سىيلاپ, گيمناستيكادان تاريحي جەتىستىككە جەتتى.

«سول جەتىستىك تاقيامىزعا تار كەپ تۇر ما? اينالدىرعان 7 مەدال, ءوزى. ۇلتىنا قاراپ, الالاعانداي بولدىق قوي, ۇيات بولدى..اتىمىزعا, ەلدىگىمىزگە سىن بولدى. قازاققا كۇيەۋ بالا بولادى ەكەن, لەگيونەر ەمەس, ءوزىمىزدىڭ بالا عوي. تۋىمىزدى ارقاسىنا جامىلىپ, ءماز بوپ ءجۇردى, وليمپيادا تورىندە. ءبىزدىڭ قازاقتا جومارت ازاماتتار از ەمەس, ءالى دە باسقالارعا كورسەتكەن سىي-قۇرمەتتى جاساۋعا كەش ەمەس. ۇيات بولماسىن, اعايىن», – دەدى زاڭگەر.