جاڭالىقتار
الاياق جۇرگىزۋشى كۋالىگىن جاساپ بەرەمىن دەپ 6,5 ملن تەڭگە العان
ورال قالاسىنىڭ تۇرعىندارى جۇرگىزۋشى كۋالىگىن جاساپ بەرەمىن دەگەن الاياققا 6,5 ميلليون تەڭگە بەرىپ, سان سوعىپ قالدى. الاياق ادامداردىڭ سەنىمىنە وڭاي كىرىپ, اقشانى الىپ, ءىزىن سۋىتقان, دەپ جازادى Qandastar.kz
ونىڭ ارەكەتىنەن 13 ادام زارداپ شەككەن. كەلتىرىلگەن زالال كولەمى – 6,5 ميلليون تەڭگە.
جەدەل-ىزدەستىرۋ ءىس-شارالارى بارىسىندا پوليتسيا الاياقتى ۇستادى.
اتالعان فاكتى بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى. ۆەدومستۆو وكىلدەرى ازاماتتارعا قۇجاتتاردى تەك رەسمي جولمەن راسىمدەۋدى ەسكەرتەدى.
«تەرگەۋ ارەكەتتەرى جۇرگىزىلۋدە. پوليتسيا ازاماتتاردى مۇقيات بولۋعا جانە قۇجاتتاردى تەك رەسمي جولمەن راسىمدەۋگە شاقىرادى. ەگەر سىزدە وسىنداي فاكتىلەر تۋرالى اقپارات بولسا, دەرەۋ پوليتسياعا حابار بەرۋلەرىڭىزدى سۇرايمىز», – دەدى بقو پد رەسمي وكىلى نۇرجان قۋانعالي.
