جاڭالىقتار
الاياقتىق جاسادى دەپ ايىپتالعان بىرنەشە ميكروقارجىلىق ۇيىمداردىڭ ليتسەنزياسى توقتاتىلدى
قارجى نارىعىن رەتتەۋ جانە دامىتۋ اگەنتتىگىنىڭ ءتورت بىردەي ميكروقارجىلىق ۇيىمنىڭ ليتسەنزيالارىن ۋاقىتشا توقتاتتى, دەپ حابارلايدى Qandastar.kz اقپارات پورتالى.
اگەنتتىك ميكروقارجىلىق قىزمەتتى جۇزەگە اسىراتىن كەلەسى ۇيىمداردىڭ ليتسەنزيالارىن 3 اي مەرزىمگە توقتاتتى:
- مقۇ «Hava Finance» (حاۆا فينانس)» جشس — №35 بۇيرىق;
- «مقۇ «POS Credit» (پوس كرەديت)» جشس — №36 بۇيرىق;
- «مقۇ «SF Offline» (سف وففلاين)» جشس — №37 بۇيرىق;
- «مقۇ «سالەم كرەديت» جشس — №38 بۇيرىق.
“ميكروقارجىلىق قىزمەت تۋرالى» زاڭىنىڭ 16-بابى 1 تارماعىنىڭ 2) تارماقشاسىنا سايكەس ليتسەنزيانىڭ قولدانىلۋىن توقتاتۋعا پرۋدەنتسيالدىق نورماتيۆتەر جانە وزگە دە مىندەتتى نورمالار مەن ليميتتەردى بۇزۋ نەگىز بولدى”, – دەپ حابارلادى اگەنتتىك.
ەندى ميكروقارجىلىق ۇيىمدار جاڭا ميكروكرەديتتەر بەرە المايدى, قولدانىستاعى شارتتاردىڭ مەرزىمىن ۇزارتا المايدى نەمەسە بورىشكەرلەرگە جۇكتەمەنى ارتتىرا المايدى. الايدا ولار كليەنتتەر الدىنداعى ءوز مىندەتتەمەلەرىن ورىنداۋعا مىندەتتى.
اگەنتتىك ميكروقارجىلىق ۇيىمدار الدىندا بەرەشەگى بار ازاماتتاردىڭ ميكروكرەديتتەرىن وتەۋدى جالعاستىرۋى ءتيىس ەكەنى اتاپ ءوتتى.
