الاياقتىق جاساعان قازاقستاندىق كۇدىكتى دۋبايدان ەكستراديتسيالاندى

ينتەرپول قىزمەتكەرلەرى دۋباي قالاسىنان الاياقتىق ءۇشىن قىلمىستىق جاۋاپتىلىققا تارتۋ ماقساتىندا قازاقستان ازاماتىن ەكستراديتسيالادى, دەپ حابارلايدى Qandastar.kz.

ول 2022–2023 جىلدار ارالىعىندا الماتى قالاسىندا «Wildberries» كومپانياسىنا ينۆەستيتسيا سالۋ سىلتاۋىمەن جانە سىياقى ۋادە ەتىپ, التى ازاماتتى الداپ, ولاردىڭ اقشالاي قاراجاتىن يەمدەنگەن. سالدارىنان جابىرلەنۋشىلەرگە ءىرى مولشەردە ماتەريالدىق زالال كەلتىرگەن.

قىلمىستاردى جاساعاننان كەيىن كۇدىكتى بوي تاسالاپ, ەكى جىل بويى حالىقارالىق ىزدەۋدە بولعان.

ول بيىل ساۋىردە بىرىككەن اراب امىرلىكتەرىنىڭ اۋماعىندا ۇستالىپ, باس پروكۋراتۋرانىڭ سۇراۋى بويىنشا قازاقستانعا ەكستراديتسيالاندى.

قازىرگى ۋاقىتتا كۇدىكتى تەرگەۋ يزولياتورىنا قامالدى.

ايىپتالعان قىلمىستاردى جاساعانى ءۇشىن مۇلكىن تاركىلەپ, 3 جىلدان 7 جىلعا دەيىن باس بوستاندىعىنان ايىرۋ تۇرىندەگى جازا كوزدەلگەن.