«الدىما وتىر, سەنى يىسكەۋىم كەرەك»: ءانشى ناركەنجە سەرىكباەۆا فيلارمونيا باسشىسىنان كورگەن قورلىعىن جايىپ سالدى

فوتو: ۆيدەودان سكرينشوت

تانىمال ءداستۇرلى ءانشى ناركەنجە سەرىكباەۆا ش.قالداياقوۆ اتىنداعى تۇركىستان وبلىستىق فيلارمونياسىنىڭ باسشىسىنان قىسىم كورگەنىن ايتتى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

ونەر يەسى جەكە پاراقشاسىندا ۇندەۋ جاسادى.

“مەندە شىندىق كوپ… اشىندىرىپ, مەنى وسىنداي جاعدايعا جەتكىزدى. فيلارمونيا باسشىسى ع مىرزا ماعان قانشاما قىسىم كورسەتىپ, كيىمىڭ جوق دەگەن سىلتاۋمەن كونتسەرتتەن شەتتەتتى. ۇيات تا بولسىن ايتايىن, «مەنىڭ الدىما وتىر, مەن سەنى يىسكەۋىم كەرەك» دەگەن سىڭايداعى اڭگىمەلەردىڭ بارىنەن ءوتىپ كەلەمىن. قۇرمەتتى اكىم مىرزا, وسىنى قولعا الىڭىزشى. جالعىز مەن ەمەس, قازاقتىڭ قانشاما قىزى سونداي باسشىلاردىڭ قول استىندا كەتىپ جاتىر. فيلورمانيادا قانشا جىل جۇمىس ىستەدىم, بۇل ەكى كىسى باسشى بولىپ كەلمەي تۇرىپ, مۇنداي ادىلەتسىزدىك كورگەن ەمەسپىن! ەندى وسى جولى شىعاتىن جەرىمە دەيىن شىعامىن. شىندىقتى ايتقانىم ءۇشىن, ماحاببات قۇرماعانىم ءۇشىن كورىپ كەلە جاتقان قىسىمىم بۇگىن شەگىنە جەتتى», – دەدى ءانشى.

فيلارمونيا ءانشىسىنىڭ سوزىنشە باسشىلىق «كيىمىڭ جوق» دەگەن سەبەپپەن ساحنادان شەتتەتكەن. وسى ماسەلە توڭىرەگىندە ول اكىمنەن كومەك سۇراعان.

«وسى جازبامدى جاعدايدى قولعا الادى دەگەن سەنىممەن جازىپ وتىرمىن. شىندىقتى ايتقانىم ءۇشىن, ماحاببات قۇرماعانىم ءۇشىن كورىپ كەلە جاتقان قىسىمىم بۇگىن شەگىنە جەتتى. اقىر سوڭى ساحنادان شەتتەتتى. «بولدى, قاتىسپايسىڭ… سەبەبى, مەن باسشىمىن. مەن ءوزىم بىلەمىن» دەپ بارشا جۇمىسكەرلەردىڭ كوزىنشە ابىرويىمدى توكتى, ار-وجدانىما ءتيدى. 2003 جىلدان بەرى سول مەكەمەدە جۇمىس ىستەپ كەلە جاتقان سوڭ بۇلاي جۇمىستان شىعىپ كەتە المايمىن. وسى جەردەن زەينەتكە شىققىم كەلەدى. وسى جازباما ەسكەرە قاراڭىزشى», – دەدى ءانشى.