«Aldyma otyr, seni ıiskeýim kerek»: Ánshi Narkenje Serikbaeva fılarmonııa basshysynan kórgen qorlyǵyn jaıyp saldy

Foto: Vıdeodan skrınshot

Tanymal dástúrli ánshi Narkenje Serikbaeva Sh.Qaldaıaqov atyndaǵy Túrkistan oblystyq fılarmonııasynyń basshysynan qysym kórgenin aıtty, dep jazdy qandastar.kz

Bul týraly Stan.kz aqparat agenttigi habarlaıdy.

О́ner ıesi jeke paraqshasynda úndeý jasady.

“Mende shyndyq kóp… Ashyndyryp, meni osyndaı jaǵdaıǵa jetkizdi. Fılarmonııa basshysy Ǵ myrza maǵan qanshama qysym kórsetip, kıimiń joq degen syltaýmen konertten shettetti. Uıat ta bolsyn aıtaıyn, «meniń aldyma otyr, men seni ıiskeýim kerek» degen syńaıdaǵy áńgimelerdiń bárinen ótip kelemin. Qurmetti ákim myrza, osyny qolǵa alyńyzshy. Jalǵyz men emes, qazaqtyń qanshama qyzy sondaı basshylardyń qol astynda ketip jatyr. Fılormanııada qansha jyl jumys istedim, bul eki kisi basshy bolyp kelmeı turyp, mundaı ádiletsizdik kórgen emespin! Endi osy joly shyǵatyn jerime deıin shyǵamyn. Shyndyqty aıtqanym úshin, mahabbat qurmaǵanym úshin kórip kele jatqan qysymym búgin shegine jetti», – dedi ánshi.

Fılarmonııa ánshisiniń sózinshe basshylyq «kıimiń joq» degen sebeppen sahnadan shettetken. Osy másele tóńireginde ol ákimnen kómek suraǵan.

«Osy jazbamdy jaǵdaıdy qolǵa alady degen senimmen jazyp otyrmyn. Shyndyqty aıtqanym úshin, mahabbat qurmaǵanym úshin kórip kele jatqan qysymym búgin shegine jetti. Aqyr sońy sahnadan shettetti. «Boldy, qatyspaısyń… Sebebi, men basshymyn. Men ózim bilemin» dep barsha jumyskerlerdiń kózinshe abyroıymdy tókti, ar-ojdanyma tıdi. 2003 jyldan beri sol mekemede jumys istep kele jatqan soń bulaı jumystan shyǵyp kete almaımyn. Osy jerden zeınetke shyqqym keledi. Osy jazbama eskere qarańyzshy», – dedi ánshi.