«الدىمەن سۋ بەرىڭدەرشى»: پرەزيدەنتكە ءوتىنىش ايتقان بالانىڭ تىلەگى ورىندالدى

فوتو: اشىق دەرەككوز

ۆيدەو جۋرناليست ءادىل بالتاباەۆتىڭ الەۋمەتتىك جەلىدەگى پاراقشاسىندا پايدا بولدى.

قاراعاندى ​​وبلىسى, نۇرا اۋدانى, شاحتەر اۋىلىنداعى مۋزىكانت بالا نيكولاي پرەزيدەنت قاسىم-جومارت توقاەۆقا ءوتىنىشىن ايتقان ەدى. بالا جاقىندا قاراعاندى وبلىسىنا ءىس-ساپارمەن بارعان پرەزيدەنتتەن سۋ ىشۋگە ارنالعا كۋلەر سۇرادى, دەپ حابارلايدى qandastar.kz inbusiness.kz-كە سىلتەمە جاساپ.

«مادەنيەت ۇيىنە سۋ ىشەتىن كۋلەر قويسا ەكەن», – دەيدى بالا.

الەۋمەتتىك جەلى قولدانۋشىلارى بالانىڭ تازا جۇرەگى مەن ارمانىنا ءتانتى بولدى.

«الدىمەن سۋ بەرىڭدەرشى» دەدى عوي», «جانىم-اۋ, ءتاتتىسىن-اي», «كوليانىڭ ارمانى ورىندالعان شىعار», «باقىتتى بولۋ ءۇشىن كوپ نارسەنىڭ قاجەتى جوق», «بالانىڭ جۇرەگى تازا عوي», «حالقىن ويلاپ ايتقانى», – دەپ جازعان ولار.

كەيىن جۋرناليست ءادىل بالتاباەۆ نيكولايدىڭ ارمانى ورىندالعانىن, مادەنيەت ۇيىنە كۋلەر قويىلعانىن كورسەتتى.