«Aldymen sý berińdershi»: Prezıdentke ótinish aıtqan balanyń tilegi oryndaldy

Foto: ashyq derekkóz

Vıdeo jýrnalıst Ádil Baltabaevtyń áleýmettik jelidegi paraqshasynda paıda boldy.

Qaraǵandy ​​oblysy, Nura aýdany, Shahter aýylyndaǵy mýzykant bala Nıkolaı Prezıdent Qasym-Jomart Toqaevqa ótinishin aıtqan edi. Bala jaqynda Qaraǵandy oblysyna is-saparmen barǵan Prezıdentten sý ishýge arnalǵa kýler surady, dep habarlaıdy qandastar.kz inbusiness.kz-ke silteme jasap.

«Mádenıet úıine sý ishetin kýler qoısa eken», – deıdi bala.

Áleýmettik jeli qoldanýshylary balanyń taza júregi men armanyna tánti boldy.

«Aldymen sý berińdershi» dedi ǵoı», «Janym-aý, táttisin-aı», «Kolıanyń armany oryndalǵan shyǵar», «Baqytty bolý úshin kóp nárseniń qajeti joq», «Balanyń júregi taza ǵoı», «Halqyn oılap aıtqany», – dep jazǵan olar.

Keıin jýrnalıst Ádil Baltabaev Nıkolaıdyń armany oryndalǵanyn, Mádenıet úıine kýler qoıylǵanyn kórsetti.