الەم جاڭالىقتارى
الەكساندر موستوۆوي چەرچەسوۆتىڭ رەسەيگە ورالاتىنىن ايتتى
فوتو: sports.ru
رەسەي قۇراماسىنىڭ بۇرىنعى فۋتبولشىسى الەكساندر موستوۆوي قازاقستان قۇراماسىنىڭ باس باپكەرى ستانيسلاۆ چەرچەسوۆتىڭ جۇمىسىنا قاتىستى پىكىر ءبىلدىردى, دەپ جازدى qandastar.kz
«رب سپورت» باسىلىمىنا بەرگەن سۇحباتىندا ول چەرچەسوۆتى جاقىندا قىزمەتىنەن بوساتىپ, رەسەيگە ورالادى دەپ بولجادى.
«گۆارديولا دا, چەرچەسوۆ سياقتى, قازاقستان قۇراماسىمەن جەڭىسكە جەتە الماس ەدى. ستانيسلاۆ قايدا بارا جاتقانىن جانە ناتيجە قانداي بولاتىنىن ءبىلدى. قازاقتار ماعان رەنجىمەسىن, بىراق ولار ەشقاشان ەشتەڭە جەڭگەن ەمەس جانە جەڭبەيدى دە. ارينە, ەگەر جاڭا مەسسيلەرى پايدا بولماسا», – دەدى موستوۆوي.
ونىڭ ايتۋىنشا, قازاقستان قۇراماسى بۇرىنعى باپكەر ماگومەد اديەۆتىڭ كەزىندە جاقسىراق ويناعان.
«قازىر ءتىپتى گول دا سالا الماي ءجۇر… ءسىرا, ستانيسلاۆ قىزمەتىنەن بوساتىلىپ, رەسەيگە ورالادى», – دەپ قوستى موستوۆوي.
ەسكە سالايىق, ستانيسلاۆ چەرچەسوۆ 2023 جىلى قازاقستان قۇراماسىنىڭ باس باپكەرى قىزمەتىنە كىرىسكەن. الايدا ونىڭ جەتەكشىلىگىمەن كوماندانىڭ ناتيجەلەرى سىنعا ۇشىراۋدا.
