الەمدەگى مۇناي كومپانيالارىن باسقاراتىن قازاق قىزدارى انىقتالدى

قازاق جەرىنەن قارا التىننىڭ وندىرىلە باستاعانىنا بيىل 125 جىل تولماق. سوناۋ 1899 جىلعى 13-18 قاراشادا وڭتۇستىك ەمبىدەگى قاراشۇڭعىل شاتقالىندا تۇڭعىش مۇناي فونتانى اتقىلاي باستادى. سوندا ەسكى تەحنولوگيالارمەن جەر استىنان شامامەن 25 مىڭ توننا جەڭىل مۇناي شىعارىلدى. وسىلايشا, قازاقستاننىڭ مۇناي بايلىعىن يگەرۋ تاريحى باستاۋ الدى.
سالىستىرساق, 2023 جىل قورىتىندىسىندا رەسپۋبليكا شامامەن 90 ميلليون توننا مۇناي مەن گاز كوندەنساتىن ءوندىرىپ, ونىڭ 70,5 ملن تونناسىن جاھاندىق نارىققا ساتتى.

سونىمەن بىرگە قازاقستان الەمگە بىلىكتى ماماندار سىيلاۋدا. بۇگىندە مايتالمان قازاقستاندىق مۇنايشى ماماندارعا بۇكىل الەمدە سۇرانىس ۇلكەن.

وسى ورايدا, 8 ناۋرىز – ايەلدەردىڭ حالىقارالىق مەيرامى قارساڭىندا مۇناي-گاز سالاسىنداعى ستراتەگيالىق سەرىكتەستىكتى دامىتۋ جونىندەگى كەڭەس
سەكتوردا, دۇنيەجۇزىندەگى جەتەكشى كومپانيالاردا باسقارۋشى لاۋازىمداردا جۇمىس ىستەيتىن قازاقستاندىقتاردى اتادى.

«تاۋەلسىزدىك جىلدارىندا ءبىزدىڭ وتانداستارىمىز حالىقارالىق مۇناي-گاز جوبالارىندا جانە الپاۋىت كومپانيالاردا جوعارعى تۇعىرلارعا دەيىن بيىكتەي الدى. وسىنىڭ ءبارى قازاقستاننىڭ ازاتتىق الۋىنىڭ ارقاسى. سونىڭ ناتيجەسىندە ەلىمىزگە وزىق ەلدەردىڭ ترانسۇلتتىق كومپانيالارىنىڭ, ءىرى ينۆەستورلارىنىڭ كەلۋىنىڭ جانە تەڭىز, قاشاعان, قاراشىعاناق, دوڭعا كەن ورىندارىنىڭ يگەرىلۋىنىڭ ناتيجەسى. ۇلتتىق كادرلار وسى جوبالاردا وراسان زور تاجىريبە جينادى جانە قازىرگى كەزدە الەمدىك مۇناي-گاز سالاسىندا, شەتەلدىك ءىرى كومپانيالاردا جاۋاپتى لاۋازىمداردى ابىرويلى اتقارىپ ءجۇر», – دەپ ءتۇسىندىردى اتالعان كەڭەس ساراپشىلارى.

الەمدىك مۇناي سەكتورىن اۋىزدىقتاعان اتقامىنەر قازاق ايىمدارىنا تولىعىراق توقتالىپ, ولاردى ءوز حالقىنا تانىستىرا كەتۋدى ءجون كوردى.

ۇلتتىق مۇناي-گاز سەرۆيسى قاۋىمداستىعى ساراپشىلارىنىڭ مالىمەتىنشە, اتاعى الەمگە ءماشھۇر الىپ مۇناي-گاز كومپانيالارىندا بيىك لاۋازىمدار اتقاراتىن قازاقستاندىقتاردىڭ جالاقىسى 7-10 ميلليون دوللارعا دەيىن بارۋى مۇمكىن. بۇل قازاقستان تۇگىل, اۋقاتتى باتىس ەلدەرىندەگى جۇمىسكەرلەردىڭ ورتاشا جالاقىسىنان ءجۇز ەسەدەي كوپ.

ۇكىمەت جاعدايىن جاساسا, لايىقتى قىزمەتتى ۇسىنسا, ەۋروپادا, امەريكادا, ازيادا جانە افريكادا ەڭبەك ەتىپ, جاھاندىق مۇناي سەكتورىنىڭ جۇگىن كوتەرىپ جۇرگەن نازىك بولمىس يەلەرى – قازاق قىزدارى بالكىم, بولاشاقتا ەلگە ورالىپ, قازاقستاننىڭ وركەندەۋىنە ۇلەسىن قوسۋى دا ىقتيمال.