Álemdegi munaı kompanııalaryn basqaratyn qazaq qyzdary anyqtaldy

Qazaq jerinen qara altynnyń óndirile bastaǵanyna bıyl 125 jyl tolmaq. Sonaý 1899 jylǵy 13-18 qarashada Ońtústik Embidegi Qarashuńǵyl shatqalynda tuńǵysh munaı fontany atqylaı bastady. Sonda eski tehnologııalarmen jer astynan shamamen 25 myń tonna jeńil munaı shyǵaryldy. Osylaısha, Qazaqstannyń munaı baılyǵyn ıgerý tarıhy bastaý aldy.
Salystyrsaq, 2023 jyl qorytyndysynda respýblıka shamamen 90 mıllıon tonna munaı men gaz kondensatyn óndirip, onyń 70,5 mln tonnasyn jahandyq naryqqa satty.

Sonymen birge Qazaqstan álemge bilikti mamandar syılaýda. Búginde maıtalman qazaqstandyq munaıshy mamandarǵa búkil álemde suranys úlken.

Osy oraıda, 8 naýryz – Áıelderdiń halyqaralyq meıramy qarsańynda munaı-gaz salasyndaǵy strategııalyq seriktestikti damytý jónindegi keńes
sektorda, dúnıejúzindegi jetekshi kompanııalarda basqarýshy laýazymdarda jumys isteıtin qazaqstandyqtardy atady.

«Táýelsizdik jyldarynda bizdiń otandastarymyz halyqaralyq munaı-gaz jobalarynda jáne alpaýyt kompanııalarda joǵarǵy tuǵyrlarǵa deıin bıikteı aldy. Osynyń bári Qazaqstannyń azattyq alýynyń arqasy. Sonyń nátıjesinde elimizge ozyq elderdiń transulttyq kompanııalarynyń, iri ınvestorlarynyń kelýiniń jáne Teńiz, Qashaǵan, Qarashyǵanaq, Dońǵa ken oryndarynyń ıgerilýiniń nátıjesi. Ulttyq kadrlar osy jobalarda orasan zor tájirıbe jınady jáne qazirgi kezde álemdik munaı-gaz salasynda, sheteldik iri kompanııalarda jaýapty laýazymdardy abyroıly atqaryp júr», – dep túsindirdi atalǵan keńes sarapshylary.

álemdik munaı sektoryn aýyzdyqtaǵan atqaminer qazaq aıymdaryna tolyǵyraq toqtalyp, olardy óz halqyna tanystyra ketýdi jón kórdi.

Ulttyq munaı-gaz servısi qaýymdastyǵy sarapshylarynyń málimetinshe, ataǵy álemge máshhúr alyp munaı-gaz kompanııalarynda bıik laýazymdar atqaratyn qazaqstandyqtardyń jalaqysy 7-10 mıllıon dollarǵa deıin barýy múmkin. Bul Qazaqstan túgil, aýqatty Batys elderindegi jumyskerlerdiń ortasha jalaqysynan júz esedeı kóp.

Úkimet jaǵdaıyn jasasa, laıyqty qyzmetti usynsa, Eýropada, Amerıkada, Azııada jáne Afrıkada eńbek etip, jahandyq munaı sektorynyń júgin kóterip júrgen názik bolmys ıeleri – qazaq qyzdary bálkim, bolashaqta elge oralyp, Qazaqstannyń órkendeýine úlesin qosýy da yqtımal.