جاڭالىقتار
الەۋمەتتىك كومەك شىن مۇقتاج ادامدارعا بەرىلۋى ءتيىس — توقاەۆ
فوتو:اقوردا
مەملەكەت باسشىسى اقمولا وبلىسىنىڭ زەرەندى اۋدانىندا ايماق شارۋالارىمەن ەگىن جيناۋ ناۋقانىنا ارنالعان كەڭەس وتكىزدى, دەپ جازدى qandastar.kz
ءىس-شاراعا قوستاناي, پاۆلودار جانە سولتۇستىك قازاقستان وبلىسىنىڭ ديقاندارى بەينەبايلانىس رەجيمىندە قاتىستى.بۇل تۋرالى Stan.kz اقپارات اگەنتتىگى حابارلايدى.
اقمولا وبلىسىنا ەگىن جيناۋ ناۋقانىنىڭ بارىسىمەن تانىسۋ ءۇشىن ارنايى كەلگەن پرەزيدەنت جيىندا جولداۋداعى ماسىلدىقتى تاعى كوتەردى.
“مەن استانانىڭ مىسالىندا كوپ پروبلەمانى اشاتىن كوشى-قون ماسەلەسىن كوتەردىم.استانانىڭ 400 مىڭ تۇرعىنى ەلەۋسىز قالعان. اكىمدىك وسى ادامدارمەن جۇمىس ىستەۋگە, جۇمىسقا ورنالاستىرۋعا, قىزمەت كورسەتۋگە ءماجبۇر. بۇل ءبىر قالانىڭ حالقى دەگەن ءسوز.بىراق بۇل ستاتيستيكادا ەسكەرىلمەگەن.بۇل جۇزدەن استام كومەك ءتۇرىن كورسەتۋدى بىلدىرەدى. قازاقستان الەۋمەتتىك مەملەكەت. ءبىز الەۋمەتتىك كومەكتەن ەشقاشان باس تارتپايمىز. بۇل ءبىزدىڭ كونستيتۋتسيا بويىنشا مىندەتىمىز.بىراق, بۇل سالادا ءتارتىپتى جولعا قويۋ كەرەك.الەۋمەتتىك كومەك شىن مۇقتاج ادامدارعا بەرىلۋى ءتيىس. ەڭبەك ەتە الاتىن ادامدار جۇمىس ىستەپ, ءوزىن, وتباسى مەن اتا-اناسىن اسىراۋى ءتيىس.مەنىڭ جولداۋىمنىڭ ءمانى دە وسىندا.ويتكەنى بۇلاي ءومىر سۇرۋگە بولمايدى. استانادا قالا بيۋدجەتىنىڭ 60% الەۋمەتتىك مۇقتاجدىقتى جابۋعا كەتەدى. بۇل جەردە كومەكتى قىسقارتۋ كەرەك.مەن پرەزيدەنت رەتىندە بارىنە جاۋاپكەرشىلىك الامىن, مەن ايتپاسام كىم ايتادى. قازىر ۇكىمەت بۇل سالانى قايتا تەكسەرىپ, جۇمىس ىستەپ كوردى. اشىعىن, پروبلەما بارى ەكەنىن, ونى شەشۋ كەرەكتىگىن ايتتىم. مىنا جەردە كۇنى-ءتۇنى جۇمىس ىستەيتىن ادامدار بار, ولار نەگە جۇمىس ىستەمەيتىن ادامداردى ەكى-ءۇش ەسە قامتاماسىز ەتۋى كەرەك. وزدەرى ەڭبەكتەنۋى كەرەك»,- دەدى پرەزيدەنت جيىندا.
ايتا كەتەيىك, بۇعان دەيىن پرەزيدەنت قاسىم-جومارت توقاەۆ جولداۋىندا ايماقتارداعى الەۋمەتتىك تۇرعىدان وسال توپتاعى ازاماتتارعا بولىنەتىن الەۋمەتتىك تولەمدەردى بىرىزدەندىرۋ كەرەك ەكەنىن ايتقان بولاتىن.
