Áleýmettik mańyzy bar azyq-túlik taýarlary arzandady

Taýarlar tizbesinde nan, sút, un, súzbe, sary maı, jumyrtqa, qumsheker, tuz, sıyr eti, sekildi azyq-túlik bar,-dep habarlaıdy Qandastar.kz

Áleýmettik mańyzy bar azyq-túlik taýarlarynyń baǵa ındeksi bir aptanyń ishinde 0,1%, al jyldyq mánde 0,9% tómendedi. Bul týraly Ulttyq statıstıka bıýrosy habarlady.
2024 jylǵy 18 maýsymdaǵy Qazaqstan boıynsha áleýmettik mańyzy bar keıbir taýarlardyń ortasha baǵasy mynadaı boldy:

súzbe – 2139 tg/kg;
pııaz – 115 tg/kg;
qumsheker – 419 tg/kg.

Áleýmettik mańyzy bar azyq-túlik taýarlarynyń tizbesine 19 ataý kiredi. Bir apta ishinde nan, sút jáne taýyqtyń san etiniń baǵasy ózgermegen. Makaron, 1-sort un, súzbe bar-joǵy 0,1 paıyzǵa arzandaǵan. Al sary maı, jumyrtqa men sábiz 0,1 paıyzǵa qymbattaǵan. Qumsheker men tuz, sıyr eti arzandasa, pııazdyń baǵasy 0,3 paıyzǵa ósken. Kúrish baǵasy 0,2 paıyzǵa, qyryqqabat – 0,4 paıyzǵa, kúnbaǵys maıy – 0,5 paıyzǵa, qaraqumyq 0,9 paıyzǵa túsken. Al kartop 2,2 paıyzǵa qymbattaǵan.