«الەۋمەتتىك مەديتسينالىق ساقتاندىرۋ قورىنىڭ» لاۋازىمدى تۇلعاسى 400 ملن تەڭگە جىمقىرعان

«الەۋمەتتىك مەديتسينالىق ساقتاندىرۋ قورى» كەاق باسقارما توراعاسىنىڭ ورىنباسارى اشكەرەلەندى, دەپ حابارلايدى  Qandastar.kz اقپارات پورتالى turkystan.kz سايتىنا سىلتەمە جاساپ.

ول دەنساۋلىق ساقتاۋ سۋبەكتىسىنە حالىققا مەديتسينالىق قىزمەت كورسەتۋ ءۇشىن بولىنگەن 400 ملن تەڭگەدەن استام قاراجاتتى جۇيەلى تۇردە ۇرلادى دەگەن كۇدىككە ءىلىندى.

جىمقىرۋ مەديتسينالىق ۇيىمنىڭ «Damumed» اقپاراتتىق جۇيەسىنە مىندەتتى الەۋمەتتىك مەديتسينالىق ساقتاندىرۋ شەڭبەرىندە وسكەمەن قالاسىنىڭ تۇرعىندارىنا كورسەتىلگەن قىزمەتتەر تۋرالى كورىنەۋ جالعان مالىمەتتەر ەنگىزۋ جولىمەن جاسالعان.

ءىس جۇزىندە مەديتسينالىق قىزمەتتەر كورسەتىلمەگەن, وتىز مىڭنان استام «تىركەۋلەر» انىقتالدى.

سونىمەن قاتار, ول جەكە مەديتسينالىق مەكەمەنىڭ كاسىپكەرلىك قىزمەتىنە زاڭسىز قاتىسىپ, قوردىڭ جىمقىرعان قاراجاتىن, ونىڭ ىشىندە قىمبات م ۇلىكتى ساتىپ الۋ ارقىلى زاڭداستىردى دەپ كۇدىكتەنەدى.

كۇدىكتى سوتتىڭ سانكتسياسىمەن قاماۋعا الىندى.

تەرگەۋ جالعاسۋدا, شەنەۋنىك پەن باسقا ادامداردىڭ باسقا قىلمىستىق ەپيزودتارعا قاتىسۋى تەكسەرىلەدى.

قىلمىستىق ءىس جۇرگىزۋ كودەكسىنىڭ 201-بابىنا سايكەس تەرگەۋ مۇددەسىندە وزگە دە اقپارات جاريا ەتىلۋگە جاتپايدى.