الەۋمەتتىك جەلىلەردە «ەم ءۇشىن» دەپ اقشا جينايتىن الاياقتار پايدا بولدى

الەۋمەتتىك جەلىلەردە بالانىڭ نەمەسە ەرەسەك ادامداردىڭ ەم-دومىنا قولداۋ كورسەتىپ, قاراجات جيناۋعا قول ۇشىن سوزىڭىزدار دەگەن ماعىنادا حابارلاندىرۋلار كوپتەپ كەزدەسەتىن بولدى.
جينالعان قارجىعا ەسەپ بەرىپ جاتقاندارى ىلۋدە بىرەۋى. حالىقتىڭ سەنىمىنە كىرىپ, كومەكتەسەمىز دەگەن جەلەۋمەن ءوز قالتاسىن ويلايتىندار بار دەپ دارىگەرلەر دە دابىل قاعۋدا, دەپ حابارلايدى ەلوردا ينفو.
«الەۋمەتتىك جەلىلەردە ءبىزدىڭ ورتالىعىمىزدا ەم الۋ ءۇشىن دەپ قاراجات جيناپ جاتقان ناشار پيعىلدى ادامدار پايدا بولدى. قازاقستان رەسپۋبليكاسىنىڭ ازاماتتارىنا (ەرەسەكتەر مەن بالالارعا بىردەي) ەم الۋى, وتا جاسالۋى قاجەتتى كورسەتكىشتەر بولعان جاعدايدا تەگىن مەديتسينالىق كومەكتىڭ كەپىلدەندىرىلگەن كولەمىنىڭ اياسىندا, ياعني پاتسيەنت ءۇشىن تەگىن قىزمەت كورسەتىنىن حابارلايمىز. مۇقيات بولىڭىزدار!», – دەپ حابارلايدى «ۇلتتىق عىلىمي كارديوحيرۋرگيا ورتالىعى» اق.

دەرەككوز: https://24.kz/