Alǵash ret batyr anaǵa járdemaqy sms habarlama arqyly taǵaıyndaldy

Kópbalaly «Altyn alqa», «Kúmis alqa» ıelengen analarǵa tıisti járdemaqy proaktıv tásilimen taǵaıyndalatyn boldy. «Azamattarǵa arnalǵan úkimet» jańa pılottyq joba aıasynda 6-7 balasy bar áıelderge esh qujatsyz-aq kerekti tólemderdi aýdaratyn bolady.
Eń alǵashqylardyń biri bolyp, Ýmıda Ahýnjanova «Kúmis alqa» ıelenýine baılanysty tıisti járdemaqynyń taǵaıyndalǵany týraly sms habarlama aldy. Taraz qalasynda turatyn alty balanyń anasy kelgen sms habarlamalarǵa oń jaýap berip, birshama ýaqytyn únemdegenin aıtady.

«Mundaı dúnıeniń iske qosylǵanyna tańmyn. Bul bolmaǵanda, kishkentaı balalarymdy tastap, qujattardy ótkizip júretin edim. Bul meniń qanshama altyn ýaqytymdy únemdedi. Sebebi, men úshin bóbekterimmen ótkizgen ár saǵatym qymbat», – dedi eń alǵashqy proaktıv tásilimen járdemaqy alǵan kópbalaly ana Ýmıda Ahýnjanova.

Joba aıasynda Ýmıdanyń telefonyna eń aldymen járdemaqy alýǵa quqylysyz degen habarlama kelgen, keıin járdemaqy aýdarylýy tıis esep-shottyń nómiri joldanǵan. Olardyń durystyǵyna kelisimin bergen batyr anaǵa eń sońynda járdemaqynyń taǵaıyndalǵany týraly sms kelgen. Aıta keteıik, qyzmetti alý úshin uıaly telefon nómiri mobıldi azamattar bazasynda tirkelýi tıis.

Kópbalaly analar nagradany alý úshin jergilikti ákimdikke ótinish jazyp, keıin onyń taǵaıyndalǵany týraly qujatty halyqqa qyzmet kórsetý ortalyǵyna ótkizetin. Budan bulaı HQO-ǵa barýdyń qajeti bolmaıdy, qyzmet avtomatty túrde kórsetiletin bolady.

«Proaktıv – qazaqstandyqtardyń qujattardy eshqaıda ótkizbeı-aq, memlekettik qyzmetterdi alýyna múmkindik beretin joba. Búginde jas analarymyz proaktıv aıasynda keletin sms-terge jaýap berip, balanyń týý kýáligin jasatyp, onyń kútimine baılanysty járdemaqyny rásimdep, balabaqsha kezegine turyp, sábıdi mekenjaı tirkeýine qoıa alady. Sondaı-aq osy proaktıvti túrde zeınetkerlikke shyǵý, múgedektikti rásimdeý qyzmetteri aldaǵy ýaqytta iske qosylady. Biz azamattarymyzdyń ómirin jeńildetip, artyq qaǵazbastylyqtan aryltamyz. Bul – memlekettik qyzmetterdi ıfrly formatqa aýystyrýdaǵy birqatar bastamamyzdyń biri», – dedi memlekettik korporaııanyń basqarma tóraıymy Ásemgúl Baltasheva.

BAQ.KZ