«Allanyń qalaýymen úıli boldyńyzdar»: Maskadaǵy adam baspanasyn sý alǵan 34 otbasyna úı berdi

Foto: vıdeodan skrın

Maskadaǵy belgisiz adam jelidegi paraqshasynda bıyl kóktemde sý tasqynynan zardap shekken 34 otbasyǵa baspana bergeni týraly jarııa etti. Bul  qandastar.kz  Stan.kz aqparat agenttigine silteme jasap habarlaıdy.

Vıdeo Instagram jelisindegi Shelovekvmaskee paraqshasynda jarııalandy.
«Keshirińiz, apa. Sizder sýdan zardap shektińizder ǵoı!? Ruqsat bolsa, Allanyń qalaýymen sizder úıli boldyńyzdar», – deıdi vıdeoda jomart jigit.

Sonymen qatar ol baspana qaı óńirlerdiń turǵyndaryna berilgenin atap ótti.

«Sý tasqynynan zardap shekken 34 otbasy baspanaly boldy. Biz sizdermen birlesip, 1 mln dollardy sý tasqynynan zardap shekken Qazaqstannyń ár óńirine úlestirdik. Batys Qazaqstan oblysy, Aqtóbe oblysy, Atyraý oblysy, Qostanaı oblysy, Soltústik Qazaqstan oblysy», – dedi ol.