الماسبەك سادىرباي اۋىل شارۋاشىلىعى ءمينيسترى بولۋعا لايىق ادامداردىڭ اتىن اتادى

فوتو: اشىق دەرەككوز

«شاڭىراق» ۇلتتىق اگرو-قوزعالىسى» رقب توراعاسى الماسبەك سادىرباي Adal ADAM youtube ارناسىنا بەرگەن سۇحباتىندا اۋىل شارۋاشىلىعى ءمينيسترى بولۋعا كىمدەر لايىق ەكەنىن ايتتى, دەپ جازادى qandastar.kz

«ابىرقايىر تامابەك (بۇگىندە جامبىل وبلىسى اكىمىنىڭ ورىنباسارى) اۋىل شارۋاشىلىعى ءمينيسترى بولۋعا لايىقتى. سول سياقتى وڭىرلەردە ءبىراز ازاماتتار بار. سەناتتا ارمان وتەعۇلوۆ دەگەن مىقتى ازامات بار. ءبىلىمدى. ۆەتەريناريا كوميتەتىن باسقارعان. ماجىلىستە بولاتبەك ناجمەتدين ۇلى بار. ىسكەر, مەملەكەتتىك قىزمەتتە دە ىستەگەن. الما باقپەن اينالىسقان. بۇل ازاماتتاردىڭ ءبىر باستى قاسيەتى – تىڭداي بىلەدى. ولاردىڭ ارقايسىمەن كەيبىر ماسەلەدە كەلىسپەي, قىزىلكەڭىردەك بولىپ, شايقاسقانبىز. سوڭىندا ىمىراعا كەلەتىنبىز. ارگۋمەنتتەرىن دالەلدەي بىلەتىن. ءبىر-ءبىرىمىزدىڭ قاتەلىكتەرىمىزدى مويىنداي بىلەتىنبىز. ال ايداربەك ساپاروۆتا ونداي قاسيەت جوق. قازاقتىڭ جالپاق سوزىمەن ايتقاندا ول دوڭىز مىنەز, ءبىر مويىن. «ءبىتتى, مەن وسىلاي شەشتىم, بولدى» دەيدى», – دەدى الماسبەك سادىرباي.
سونداي-اق ول ايداربەك ساپاروۆ مەملەكەت باسشىسىنىڭ اتىنا كىر كەلتىرىپ جاتىر دەپ ەسەپتەيدى.

«اۋىل شارۋاشىلىق ءمينيسترى ايداربەك ساپاروۆ مەملەكەت باسشىسىنا دەگەن حالىقتىڭ سەنىمىن كەتىرىپ جاتىر. ونىڭ ارتىنان ءسوز ەرتتىرىپ, كىر كەلتىرىپ جاتىر», – دەدى ا.سادىرباي.