جاڭالىقتار
«الماتى اكىمدىگى قۇرىلىسى توقتاپ تۇرعان مەترونى سالۋعا 450 ميلليارد تەڭگە سۇراتىپ وتىر»
قوعام بەلسەندىسى سانجار بوقاەۆ جەلىدە الماتىداعى جاڭادان سالىنىپ جاتقان مەترو ستانتسيالارىنىڭ قۇرىلىسىن سىنعا الدى. ايتۋىنشا, قۇرىلىس جۇمىسىنان بيلىك اقشا جىمقىرۋ ءۇشىن قۋ سحەما قۇرعان.
بوقاەۆ مومىش ۇلى ستانتسياسىنان قالقامانعا دەيىن جوسپارلانعان جەر استى جولى قۇرىلىسى 2020 جىلى باستالعان ەكەن. الايدا قۇرىلىس ءالى جارتى جولعا جەتپەگەن.
“بىلتىر مەترو سالۋدا ەشقانداي تاجىريبەسى جوق “Bazis Constuction” جشس وسى جۇمىستى موينىنا العان ەدى. ال قازىر جۇمىس وسى جەردە توقتاپ تۇر. بۇل قۇرىلىس 2020 جىلى باستالعان. ءتورت جىل ءوتتى ال ولار ءالى ءتىپتى جولدىڭ جارتىسىنا جەتكەن جوق. مۇنداي قارقىنمەن ولار مىنا ستانتسيانىڭ ءالى بىرنەشە جىل سالادى”, – دەدى بوقاەۆ.
بوقاەۆتىڭ سوزىنشە, قالا اكىمى دوساەۆ مۇندا كەلىپ, جەر استىنا ءتۇسىپ, جۇمىستىڭ قالاي ءجۇرىپ جاتقانىن تەكسەرۋدىڭ ورنىنا ۇندەمەي, ەشقانداي شارا قولدانباي وتىر.
