Almaty mańynda jer silkinisi kezinde bas saýǵalaıtyn shatyrly lager salynady

Foto: pexels.com

Májilis otyrysynda Tótenshe jaǵdaı mınıstri Shyńǵys Árinov Almaty mańynda jer silkinisi kezinde adamdar panalaıtyn shatyrly lager qurý týraly josparyn aıtty. Bul týraly qandastar.kz Stan.kz aqparat agenttigine silteme jasap habarlaıdy.

Shyńǵys Árinov mınıstrliktiń jedel maqsattaǵy “Alataý”ońtústik bazasynyń qurylǵanyn aıtty.

“Joıqyn jer silkinisi bolǵan jaǵdaıda Almaty mańynda zardap shekkender úshin shatyrly lager qurylady. Sondaı-aq gýmanıtarlyq kómekti qabyldaý pýnkteri men basqa da qajet qosalqy nysandar bolady”, – deıdi mınıstrlik basshysy.

Mınıstr lagerdiń basty artyqshylyǵy 173 gektar ashyq jer deıdi.

“Bul jer opyryrylmaıdy jáne ol jaryqtary joq ústirtte ornalasqan. Onda kiretin joldar bar jáne jaqyn jerde temir jol ornalasqan. Biz sonda trenıng ótkizemiz. Ol jaqta shatyrlar jetkilikti. Oǵan qosa, memlekettik materıaldyq rezerv júıesiniń nomenklatýrasynda biz mindetti túrde shatyrlar, tósek-oryndar, arqaǵa asatyn sómkeler ​​beremiz. Munyń bári qandaı da bir derbestik bolýy úshin kerek. Taǵy bir sheshilmegen másele bar. Biz ár zardap sheqqan adamǵa termıkalyq ishkıim men jyly kıim jáne barlyq qorǵanys quraldarynyń berilýin qamtamasyz etýge kóshemiz. Ár 10 adamda medıınalyq qobdısha bolady. Sondaı-aq alǵashqy medıınalyq kómek kórsete alatyn dárigerler de bolady dep úmittenemiz. Sonymen qatar onda shatyrlar, uıyqtaýǵa arnalǵan qaptar, qural-jabdyqtar jáne úsh kúnge jetetin azyq-túlik bolady”, – deıdi Shyńǵys Árinov.

Mınıstr adamdar jıi-jıi ornalassa, bazada 50 myń adam syıatyn oryn baryn aıtady.

“Adamdardyń syıymdylyǵyn 1 mıllıon orynǵa jetkizsek deımiz. Tek Almaty mańynda ǵana emes, basqa qalalardyń janynan da osyndaı qaýipsiz jer izdep jatyrmyz”, – dedi vedomstvo basshysy.
Eske salaıyq, buǵan deıin 23 qańtarda Almatyda jer silkinisi boldy. Astana ýaqytymen 00 saǵat 09 mın 02 sekýndta almatylyqtar qatty jer silkinisin sezdi. Tótenshe jaǵdaılar departamentiniń málimetinshe, jer asty dúmpýiniń epıentri Almatynyń ońtústik-shyǵysynda, 264 shaqyrym jerde tirkeldi. Magnıtýdasy – 6,7 ball. Budan soń turǵyndar qalada taǵy da birneshe jer silkinisi sezilgenin habarlady. Al TJD deregine sáıkes aldaǵy ýaqytta qýatty jer silkinisi bolmaıdy, sondyqtan dúrligýdiń qajeti joq.