Almaty oblysynda muǵalim 14 jastaǵy qyzben jynystyq qatynasqa tústi degen kúdikke ilindi

Almaty oblysynda 14 jastaǵy qyzben jynystyq qatynasqa tústi degen kúdikpen dombyra úıirmesiniń ustazy ustaldy, dep habarlaıdy qandastar.kz aqparat portaly 31 arnaǵa silteme jasap.

Ekeýiniń qonaqúıge baryp, bólmege birge kirgeni bastan-aıaq baqylaý kamerasyna jazylǵan. Kóp uzamaı polıeıler jetip kelip 33 jastaǵy er adamnyń qolyna kisen salady. Al qonaqúıdiń qojaıyny bul oqıǵanyń qasaqana uıymdastyrylǵanyn aıtady. Sebebi, kámeletke tolmaǵan qyz buǵan deıin de dál osylaı ózge azamatqa qastandyq jasaǵan dep otyr.

Oqıǵa О́tegen batyr aýylyndaǵy «Ý Rozy» qonaqúıinde bolǵan. Túngi saǵat 2-den asa qonaqúıge er adam kiredi. Qyzmetkerden bólmeniń baǵasyn suraǵasyn, syrtqa shyǵyp, janyna jas qyzdy ertip qaıta keledi. Aqshasyn qolma-qol tólep, ekeýi bos bólmege qaraı ketedi. Olar bólmege kirgennen keıin kóp uzamaı qonaqúıge polıeıler keledi.

Bul aqparatty qonaqúı qojaıyny rastap otyr. Onyń aıtýynsha, bul quryqqa túsirý aılasy. Almaty oblysy polıııa departamenti bul is boıynsha tergeý amaldary júrgizilip jatqanyn habarlady.

“Polıııa qyzmetkerleri kúdiktini anyqtap, ustap aýdandyq bólimshege jetkizdi. Qazirgi ýaqytta bolǵan oqıǵanyń barlyq mán-jáıin jan-jaqty, tolyq ári obektıvti anyqtaýǵa baǵyttalǵan qajetti tergeý amaldary júrgizilýde”, – dedi Almaty oblystyq PD resmı ókili Merýert Morıakova.

Polıııa “16 jasqa tolmaǵan adammen jynystyq qatynasqa túsý” baby boıynsha is qozǵaǵanyn atap ótti. Qylmys dáleldense kúdikti 5 jylǵa deıin bas bostandyǵynan aıyrylýy múmkin.