الماتى وبلىسىنىڭ جاستارى تاريحي-مادەني ەسكەرتكىشتەردىڭ اۋماعىن تازارتۋعا كىرىستى

الماتى وبلىسىنىڭ جاستارى «تازا قازاقستان» رەسپۋبليكالىق ەكولوگيالىق اكتسياسى اياسىندا تاريحي-مادەني ەسكەرتكىشتەردىڭ اۋماعىن تازارتۋعا كىرىستى. بەس باعىتتى قامتيتىن بۇل ناۋقان بەس اپتاعا سوزىلادى. مەملەكەت باسشىسىنىڭ تىكەلەي باستاماسىمەن ءوتىپ جاتقان تازالىق ناۋقانىنا وبلىس تۇرعىندارىنىڭ تورتتەن ءبىر بولىگىن جۇمىلدىرۋ كوزدەلگەن. الماتى وبلىسىنىڭ تۇرعىندارى وتكەن اپتادا «تازا ولكە» شاراسىنا قاتىسقان.

ال بۇگىن وڭىردە «كيەلى مەكەن» اپتالىعى باستالدى. سەبەبى وبلىس اۋماعىندا مىڭنان استام تاريحي-مادەني ەسكەرتكىش بار. مارات سۇلتانعازيەۆ, وبلىس اكىمى: – جالپى وسى الماتى وبلىسىنىڭ, الاتاۋ وڭىرىندە 1200 تاريحي-مادەني وبەكتىلەر بار. ونىڭ 960-تان استامى سول ارحەولوگيالىق ەسكەرتكىشتەر بولىپ تابىلادى.

ارينە, سونىڭ ءبارىن ءبىز قازىر كەستەگە قويىپ, وسى اپتانىڭ ىشىندە تولىق تازالاۋدان وتەدى. بۇگىن قالا, اۋدان جاستارى مەن ەرىكتىلەر قوناەۆ قالاسىنىڭ ىرگەسىندەگى «تامعالى تاس» ارحەولوگيالىق كەشەنى اۋماعىن اباتتاندىرىپ, جامبىل اۋدانىنداعى جامبىل جاباەۆ مۇراجايىنىڭ ماڭايىن قوقىستان تازارتتى. «كيەلى مەكەن» شاراسى «تالعار قالاشىعى» مەن «شارىن» مەملەكەتتىك ۇلتتىق تابيعي پاركى اۋماعىندا دا قىزۋ ءجۇرىپ جاتىر. ارۋجان ورازوۆا, قوناەۆ قالاسىنىڭ تۇرعىنى: – ەلدىڭ تازالىعى, كيەلى جەرلەردىڭ ارى قاراي دامۋى ءبىزدىڭ قولىمىزدا. شەتەلدەن قانشاما ازاماتتار بۇل جاققا كەلىپ, كادىمگىدەي تامسانىپ قارايدى. بيبىگۇل داندىقاراقىزى, «تاڭبالى» مۋزەي-قورىعىنىڭ ديرەكتورى: – تۋريستەرگە كەلەتىن, كورەرمەندەرگە قولايلى قىزمەت كورسەتۋ ءۇشىن ءبىز جاڭاعى ءوزىمىزدىڭ تۋريستەردى قارسى الىپ الۋ سەرۆيسىن جاقسارتۋىمىز قاجەت.

سول باعىتتا دا وسى مىناۋ ءىس-شارا وتە ماڭىزدى بولدى جانە كەرەك بولىپ تۇر ەدى وسى تاريحي ورىنداردى كوگالداندىرۋ, بەزەندىرۋ ماسەلەسى. الماتى وبلىسى بويىنشا «تازا قازاقستان» ەكولوگيالىق شاراسىنا 500 مىڭ ادام تارتۋ جوسپارلانىپ وتىر.