ALMATY OBLYSYNYŃ JASTARY TARIHI-MÁDENI ESKERTKIShTERDIŃ AÝMAǴYN TAZARTÝǴA KIRISTI

Almaty oblysynyń jastary «Taza Qazaqstan» respýblıkalyq ekologııalyq akııasy aıasynda tarıhı-mádenı eskertkishterdiń aýmaǵyn tazartýǵa kiristi. Bes baǵytty qamtıtyn bul naýqan bes aptaǵa sozylady. Memleket basshysynyń tikeleı bastamasymen ótip jatqan tazalyq naýqanyna oblys turǵyndarynyń tórtten bir bóligin jumyldyrý kózdelgen. Almaty oblysynyń turǵyndary ótken aptada «Taza ólke» sharasyna qatysqan.

Al búgin óńirde «Kıeli meken» aptalyǵy bastaldy. Sebebi oblys aýmaǵynda myńnan astam tarıhı-mádenı eskertkish bar. Marat Sultanǵazıev, oblys ákimi: – Jalpy osy Almaty oblysynyń, Alataý óńirinde 1200 tarıhı-mádenı obektiler bar. Onyń 960-tan astamy sol arheologııalyq eskertkishter bolyp tabylady.

Árıne, sonyń bárin biz qazir kestege qoıyp, osy aptanyń ishinde tolyq tazalaýdan ótedi. Búgin qala, aýdan jastary men eriktiler Qonaev qalasynyń irgesindegi «Tamǵaly tas» arheologııalyq kesheni aýmaǵyn abattandyryp, Jambyl aýdanyndaǵy Jambyl Jabaev murajaıynyń mańaıyn qoqystan tazartty. «Kıeli meken» sharasy «Talǵar qalashyǵy» men «Sharyn» memlekettik ulttyq tabıǵı parki aýmaǵynda da qyzý júrip jatyr. Arýjan Orazova, Qonaev qalasynyń turǵyny: – Eldiń tazalyǵy, kıeli jerlerdiń ary qaraı damýy bizdiń qolymyzda. Shetelden qanshama azamattar bul jaqqa kelip, kádimgideı tamsanyp qaraıdy. Bıbigúl Dándiqaraqyzy, «Tańbaly» mýzeı-qoryǵynyń dırektory: – Týrısterge keletin, kórermenderge qolaıly qyzmet kórsetý úshin biz jańaǵy ózimizdiń týrısterdi qarsy alyp alý servısin jaqsartýymyz qajet.

Sol baǵytta da osy mynaý is-shara óte mańyzdy boldy jáne kerek bolyp tur edi osy tarıhı oryndardy kógaldandyrý, bezendirý máselesi. Almaty oblysy boıynsha «Taza Qazaqstan» ekologııalyq sharasyna 500 myń adam tartý josparlanyp otyr.