جاڭالىقتار
الماتى پوليتسياسى بالكوننىڭ شەتىنە وتىرعان بالالارعا قاتىستى پىكىر ءبىلدىردى
الماتى پوليتسياسى كوپقاباتتى تۇرعىن ءۇيدىڭ بالكونىنىڭ شەتىندە وتىرعان بالالاردىڭ سۋرەتىنە قاتىستى, پىكىر ءبىلدىردى دەپ حابارلايدى قازاقپارات ءتىلشىسى سۋرەت الەۋمەتتىك جەلىدە تاراعان بولاتىن. وندا ءبىپ توپ بالا الماتى قالاسىنىڭ بوستاندىق اۋدانىنداعى «گاۋحارتاس» تۇرعىن ءۇي كەشەنىنىڭ بالكونىندا وتىرعان. الماتى پوليتسيا دەپارتامەنتىنىڭ حابارلاۋىنشا, بۇل سۋرەتتەر الەۋمەتتىك جەلىدە تاراعانىمەن, 102 پۋلتىنە ەشقانداي دابىل تۇسپەگەن. ايتسە دە, اتا-انالارىمەن پروفيلاكتيكالىق اڭگىمە وتكىزىلەدى. «قازىرگى ۋاقىتتا اۋداندىق يۋۆەنالدى پوليتسيا قىزمەتكەرلەرى سول اۋداندا جۇمىس جۇرگىزىپ جاتىر. بالالاردىڭ اتا-انالارىن انىقتالۋدا. ولارعا بالالاردىڭ ءومىرى مەن دەنساۋلىعىنا قاۋىپ توندىرەتىن فاكتىلەردىڭ الدىن الۋ بويىنشا پروفيلاكتيكالىق جانە قۇقىقتىق ءتۇسىندىرۋ جۇمىستارى جۇرگىزىلەدى. جالپى, مۇنداي فاكتىلەرگە جول بەرىلمەۋى كەرەك»,- دەيدى پوليتسيا. سونداي-اق, پوليتسەيلەر تۇرعىن ءۇي كەشەنىنىڭ قاۋىپسىزدىك قىزمەتكەرلەرىمەن دە پروفيلاكتيكالىق ءتۇسىندىرۋ جۇمىستارىن جۇرگىزبەك.
دەرەككوز: قازاقپارات
