Almaty polıııasy inDrive-tan qaýipsizdikti qamtamasyz etýdi talap etti

Foto: ashyq derekkóz

Almaty polıııasy jańa oqý jylynda tasymaldaýshylardan jolaýshylardyń qaýipsizdigin qamtamasyz etýdi talap etti, dep jazdy qandastar.kz

Almaty qalasy polıııa Departamentinde avtobýs parkteri, taksoparkter jáne taksı agregatorlary basshylarynyń qatysýymen jıyn ótti.

Jańa oqý jylyndaǵy balalardyń joldaǵy qaýipsizdigi kezdesýdiń negizgi taqyryby boldy.

Polıııanyń málimetinshe, 2025 jyldyń basynan beri Qazaqstanda jol-kólik oqıǵalarynan 190 bala qaza taýyp, 7 myń 508 bala ártúrli dene jaraqatyn alǵan. Almaty qalasynda 2 balanyń qaza tabý deregi jáne 1 202 kámeletke tolmaǵan bala jaraqat alǵany tirkeldi.

«Statıstıka úshin bul jáı sandar bolsa, al otbasy úshin – qaıǵy men qasiret. Qaza bolǵan eki bala – orny tolmas qaıǵy. Almatyda myńnan astam bala fızıkalyq jáne psıhologııalyq jaraqat alǵan, sondyqtan balaǵa qatysty bolǵan árbir jol-kólik oqıǵasy orny tolmas qasiret», – dedi, Ákimshilik polıııa Basqarmasynyń bastyǵy Ashat Kulbaev.

azh.kz habarlaǵandaı, polıııa tasymaldaýshylarǵa qysqa merzim ishinde kólikterdiń tehnıkalyq jaramdylyǵyn tolyq tekserýdi, ásirese tejegish júıesine, jaryq shamdaryna, qaýipsizdik beldikterine jáne balalarǵa arnalǵan ustap turatyn qurylǵylardyń bolýyna erekshe nazar aýdarýdy mindettedi. 1 qyrkúıekten bastap jalpy bilim berý mektepteriniń mańynda reıdtik is-sharalar bastalady. Quqyqbuzýshylyq anyqtalǵan jaǵdaıda ákimshilik shara qabyldanady deıdi polıııa mamandary.

Jıynnyń bir bóligi taksı agregatorlarynyń qyzmetine arnaldy. Ashat Qulbaevtyń aıtýynsha, kompanııa keıbir mańyzdy fýnkııalardy oryndamaı, jolaýshylardyń qaýipsizdigine tikeleı qaýip tóndirip otyr.

«Búgingi tańda “Indrive” óz júrgizýshileri men kólikterin baqylamaıdy, qaýipti  kólikterdiń qoldanylýyna jol beredi jáne jolaýshylardy qorǵaýdyń qarapaıym tetikteri joq. Sizderde jedel baılanys jelisi, shuǵyl kómek batyrmasy, baǵytty qadaǵalaý júıesi joq. Bul – jol berýge bolmaıtyn jaǵdaı. Biz sizderden syltaý emes, naqty sheshim kútemiz. Eger ózgeris bolmasa, zańnama deńgeıinde sharalar qabyldanady. Biz naqty túsinikteme men anyqtalǵan buzýshylyqtardy joıý jónindegi naqty jospardy kútemiz», – dedi, polkovnık Qulbaev.

Jıyn qorytyndysy boıynsha barlyq tasymaldaýshylar men agregatorlarǵa jedel túrde qaýipsizdikti qamtamasyz etý boıynsha qabyldanǵan sharalar týraly jazbasha esep tapsyrý talaby qoıyldy.