جاڭالىقتار
الماتىدا 4 ادام لومبارد قىزمەتكەرىن ازاپتاپ ولتىرگەن
فوتو: اشىق دەرەككوز
الماتى وبلىسىندا لومبارد قىزمەتكەرىن ازاپتاپ ءولتىردى دەگەن ءتورت كۇدىكتى ۇستالدى, – دەپ حابارلايدى qandastar.kz
پوليتسيا كۇدىكتىلەر مارقۇمدى الدىمەن بۋىندىرىپ, كەيىن قىلمىستارىن جاسىرۋ ءۇشىن ءمايىتتى كومىپ تاستاعانىن العا تارتتى.
وقيعا كولاششى اۋىلىندا بولعان. 51 جاستاعى ازاماتقا جاقىندارى ءبىر اپتا بويى ىزدەۋ سالعان. ۇيىنەن كەشكى ۋاقىتتا شىعىپ, سودان ۇشتى-كۇيلى جوعالعان ەر ادام قالاداعى لومباردتاردىڭ بىرىندە باعالاۋشى قىزمەتىن اتقارعان. جاقىندارىنىڭ ايتۋىنشا, جولدا وعان بىرنەشە اپتا بۇرىن قۇندى زاتىن وتكىزگەن ازامات كەزدەسىپ, جەتكىزىپ تاستاۋدى ۇسىنعان. مارقۇم كولىككە وتىرماي جاتىپ الدەكىمدەر ونى سوققىعا جىعىپ, كۇشتەپ الىپ كەتكەن كورىنەدى. ونىڭ دەنەسى اۋىل شەتىندەگى ەگىستىك القابىنان تابىلعان.
“كىسى ءولتىرۋ فاكتىسى بويىنشا پوليتسيا قىلمىستىق ءىس قوزعادى. جەدەل-ىزدەستىرۋ شارالارىنىڭ بارىسىندا 9 قاراشادا كريمينالدىق پوليتسيا قىزمەتكەرلەرى ءتورت كۇدىكتىنى ۇستاپ, ۋاقىتشا ۇستاۋ يزولياتورىنا قاماۋعا الدى. قازىرگى ۋاقىتتا قىلمىستىڭ بارلىق جاعدايى مەن سەبەپتەرىن وبەكتيۆتى زەرتتەۋگە باعىتتالعان قاجەتتى تەرگەۋ ارەكەتتەرى جۇرگىزىلۋدە”, – دەدى الماتى وبلىسى پد كپب باستىعى مىندەتىن اتقارۋشى نۇرجان كەڭەسحان ۇلى.
