جاڭالىقتار
الماتىدا 61 وتباسىنىڭ كوممۋنالدىق بەرەشەكتەرى كەشىرىلدى
ءار ازاماتتىڭ قارىزىنىڭ كولەمىنە قاراي 20 مىڭنان 200 مىڭعا دەيىنگى بەرەشەكتەرى جويىلدى. جالپى كەشىرىلگەن قارىزدىڭ كولەمى – 5 ميلليون 600 مىڭ تەڭگە.
الماتى قالاسى اۋەزوۆ اۋدانىyندا جىلۋعا, اۋىز سۋعا جانە جارىققا جينالىپ قالعان بەرەشەگى بار 61 الەۋمەتتىك جاعىنان از قامتىلعان وتباسىنىڭ قارىزى كەشىرىلدى, دەپ حابارلايدى Zakon.كz Almaty.tv-گە سىلتەمە جاساپ.
بۇگىن اۋدانداعى 61 الەۋمەتتىك از قامتىلعان وتباسى, ونىڭ ىشىندە جانۇيادا مۇگەدەك ادامى بار, جالعىزباستى انا جانە جاعدايى تومەن ازاماتتاردىڭ پاتەر يەلەرى كووپەراتيۆى الدىنداعى قارىزدارى كەشىرىلدى.
«بۇگىنگى كۇنى بىزگە 200 مىڭ تەڭگە كومەك كورسەتكەن «نۇر وتان» پارتياسىنا راحمەت», – دەدى كوپبالالى انا باعداتگۇل كوپەسوۆا.
«جاعدايىمىز تومەن بولعاننان سوڭ, قارىزىمدى تولەي المادىم. قازىر ەكى مۇگەدەك بالاما قارايمىن. جۇمىس ىستەيمىن. بىراق ول جەتكىلىكسىز», – دەدى كوپبالالى انا ايجان دۋلاتوۆا.
جالپى كەشىرىلگەن قارىزدىڭ كولەمى – 5 ميلليون 600 مىڭ تەڭگە. جاۋاپتىلاردىڭ سوزىنشە, تۇرعىندار اتالعان سومانى تولەي المايتىندارىن ايتىپ اۋداندىق «نۇر وتان» پارتياسىنا ءوتىنىش جازعان. سودان كەيىن, پارتيا پاتەر يەلەرى كووپەراتيۆى توراعالارىنا الەۋمەتتىك ءالسىز توپتاردى قارىزدارىنان كەشىرۋدى ۇسىنعان ەكەن. ءار ازاماتتىڭ قارىزىنىڭ كولەمىنە قاراي 20 مىڭنان 200 مىڭعا دەيىنگى بەرەشەكتەرى جويىلدى.
«قارىزداردى قايتارۋ ءۇشىن ءارتۇرلى شارا قولدانىپ جاتىرمىز. بۇل جۇمىس ارى قاراي جالعاسادى. كەلەسى كەزدەسۋىمىز وسى ازاماتتارمەن تۇرعىن ءۇي ماسەلەسى بويىنشا بولادى. قالاي كەزەككە تۇرۋ, قانداي قۇجات كەرەك? جانە كىم كەزەككە تۇرا الادى. الدە, بولماسا وسى الماتى قالاسىندا پاتەرگە يە بولا الادى دەگەندەي ماسەلەلەردى تۇسىندىرەمىز», – دەدى الماتى قالاسى Nur Otan پارتياسى اۋەزوۆ اۋدانىق فيليالىنىڭ توراعاسى, اۋەزوۆ اۋدانىنىڭ اكىمى سايران سايفەدەنوۆ.
