الماتىدا باس شىرشا جاعىلدى

19 جەلتوقساندا قالانىڭ بارلىق اۋداندارىندا جاڭا جىلدىق شىرشا جاعىلدى.

ەڭ باستى 20 مەترلىك شىرشا «استانا» الاڭىنا قويىلدى. جاڭا جىل قارساڭىنداعى راسىمگە قالا اكىمى باقىتجان ساعىنتاەۆ قاتىستى.

باس شىرشا جارىقديودتى گيرلياندالارمەن, جاڭا جىلدىق ويىنشىقتارمەن جانە گيرلياندالارمەن بەزەندىرىلگەن.

جالپى قالا بويىنشا بيىكتىگى 10 مەتردەن 12 مەترگە دەيىن جەتەتىن 9 جاساندى شىرشا قويىلدى.

شىرشالار الاتاۋ, ناۋرىزباي, جەتىسۋ اۋداندارى اكىمدىگى عيماراتىنىڭ الدىندا, ع. مۇسىرەپوۆ, ن. ساتس اتىنداعى بالالار مەن جاسوسپىرىمدەرگە ارنالعان قازاق اكادەميالىق تەاترىنىڭ الدىندا, رەسپۋبليكا سارايىنىڭ الدىنداعى اباي الاڭىندا جانە ناۋرىز Village سوو الدىنداعى الاڭدا جاعىلدى.

سالتاناتتى شاراعا قازاقستاندىق ارتىستەر قاتىسىپ, اننەن شاشۋ شاشتى. ولاردىڭ ىشىندە ءالي وقاپوۆ, Renzo, Shamis, EQ, Alem Band, Mad Men, ماليكا YES, Ziruza, كەشۋوu, ءمادينا سادۋاقاسوۆا, اسحات تارعىن, كەنتال, Mysterions, داۋىس Intern. توبى, اقىلبەك جەمەنەي مەن لۋينا ونەر كورسەتتى.