جاڭالىقتار
الماتىدا ءبىر توپ ەر ادام ناماز وقۋ ءۇشىن جولدى جاپتى
فوتو: سكرين
الماتىدا ءبىر توپ ەر ادام ناماز وقۋ ءۇشىن جولدى جاۋىپ تاستاعان, دەپ حابارلايدى qandastar.kz
وقيعا سالدارىنان قالا كوشەلەرىندە كەپتەلىس بولعان, ءتىپتى, جەدەل جاردەم كولىگى وتە الماعان.
جەلىدە ءبىر توپ مۇسىلماننىڭ جولدىڭ قاق ورتاسىندا ناماز وقىپ جاتقانى تۇسىرىلگەن ۆيدەو تارادى. كادرلاردان بىرنەشە ەر ادامنىڭ سوڭىندا كولىكتەر سيگنال بەرىپ, جەدەل جاردەم كولىگى وتە الماي تۇرعانىن بايقاۋعا بولادى.
الماتى پوليتسيا دەپارتامەنتى بۇل وقيعانىڭ ءبىر كۇن بۇرىن قالانىڭ مەدەۋ اۋدانىندا بولعانىن حابارلادى.
«جول قاۋىپسىزدىگىن ۇيلەستىرۋ ءۇشىن ازاماتتاردىڭ دابىلى بويىنشا وقيعا ورنىنا جەتكەن پوليتسيا قىزمەتكەرلەرى تۇسىندىرمە جۇمىستارىن جۇرگىزىپ, ەر ادامداردى جول قوزعالىسى ەرەجەلەرىن قاتاڭ ساقتاۋعا شاقىردى», – دەلىنگەن حابارلامادا.
پوليتسيا «قۇقىقتىق ءتارتىپ» قاعيداتىن ەسكە ءتۇسىرىپ, كەز كەلگەن زاڭسىز ارەكەتتەر جاۋاپكەرشىلىككە اكەپ سوعاتىنىن ەسكەرتتى.
