Almatyda erli-zaıyptyny atyp, qashyp ketken kúdikti qolǵa tústi

Foto: polisia.kz

Almatyda polıeıler byltyr 20 jeltoqsanda qalanyń Naýryzbaı aýdanyndaǵy turǵyn úı keshenderiniń birinde bolǵan asa aýyr qylmystyń betin ashty, dep habarlaıdy qandastar.kz polisia.kz-ke silteme jasap.

Qaraqshylyq shabýyl áreketi saldarynan erli-zaıyp turǵyndar aýyr jaraqat alǵan. Qazir olar aýrýhanada jatyr. Bul qylmysty ashý maqsatynda jedel-tergeý toby quryldy. Shabýyl jasaǵan adamnyń jeke basy anyqtaldy. Bul – Jetisý óńirinen kelgen 38 jastaǵy azamat. Bir kún buryn ol ustalyp, qamaýǵa alyndy.

Kúdikti jaqynda ǵana ózi baryp jańa jıhazdaryn ornatyp bergen erli-zaıyptyny tonaýdy josparlaǵanyn moıyndady. Sol kezde ol jumys berýshilerdiń seıfin baıqap qalǵan. Betin medıınalyq betperde jáne sharfpen jasyryp, juma kúni tańerteń olardyń esik qońyraýyn basqan. Jábirlenýshilerdi tapanshamen qorqytqan qaskóı olardan aqsha berýin talap etken. Alaıda otaǵasy kómekke shaqyra bastady. Osy kezde kúdikti erli-zaıyptyny atyp, qashyp ketken.

Sotqa deıingi tergeý jalǵasyp jatyr. Qylmystyń basqa da mán-jaılary anyqtalady.