جاڭالىقتار
الماتىدا گاگارين داڭعىلىنىڭ ءبىر بولىگىنىڭ اتاۋى نە سەبەپتى وزگەرتىلەدى: قالالىق ءماسليحات وكىلدەرى ءتۇسىندىردى
![](https://qandastar.kz/wp-content/uploads/2024/05/IMG_6101.jpeg)
ءماسليحات وكىلدەرىنىڭ مالىمەتىنشە, ءسوز تولە بي كوشەسىنەن جاندوسوۆ كوشەسىنە دەيىنگى ارالىقتاعى داڭعىلدىڭ گۇلزار بولىگى تۋراسىندا بولىپ وتىر. سونىمەن يۋري گاگارين اتىنداعى داڭعىلدىڭ كليمەنت تيميريازەۆ كوشەسىمەن قيلىساتىن تۇسىنان باستالاتىن بولىگىن ەرمەك سەركەباەۆتىڭ ەسىمىمەن اتاۋ جوسپارلانىپ وتىر.
بۇدان بولەك اۋەزوۆ اۋدانىنداعى يۋبيلەينايا كوشەسىنە ۆلاديمير تولوكوننيكوۆ اتىن بەرۋ ۇسىنىلۋدا. بوستاندىق جانە تۇركسىب اۋداندارىنداعى اتاۋسىز كوشەلەرگە ەسكەندىر حاسانعاليەۆ پەن يۋري پومەرانتسەۆتىڭ ەسىمدەرى بەرىلەدى. «تۇڭعىش عارىشكەر, كەڭەس وداعىنىڭ باتىرى يۋري گاگاريننىڭ ەسىمىمەن شارتتى تۇردە «13-لينيا» دەگەن كوشە اتالدى, ونىڭ نەگىزگى بولىگى قازىرگى تولە بي (بۇرىنعى كومسومولسكايا, 1991 جىلعا دەيىن) جانە جاندوسوۆ (بۇرىنعى قارعالى تاسجولى, 1964 جىلعا دەيىن) كوشەلەرىنىڭ شەگىندە بولدى. شەشىمدى 1961 جىلعى 14 ساۋىردەگى الماتى قالالىق اتقارۋ كوميتەتى قابىلداعان بولاتىن.
تولە بي كوشەسىنەن يۋري گاگارين داڭعىلىنىڭ نەگىزگى, گۇلزار بولىگى جاندوسوۆ كوشەسىندە ءۇزىلىپ, تەك 2 كۆارتالدان نەمەسە 560 مەتردەن كەيىن جالعاسادى. سونىمەن قاتار بۇل سەگمەنتتە جاياۋ جۇرگىنشىلەر نەمەسە باسقا جولدار جوق. وسى جاعدايدى, سونداي-اق قالانىڭ ءوسىپ كەلە جاتقان حالقىن ەسكەرە وتىرىپ, زاماناۋي قالالار جاعدايىندا تۇرعىندار, قوناقتار مەن تۋريستەر ءۇشىن ناۆيگاتسيا كۇردەلەنە تۇسەتىنىن ەسكەرۋ قاجەت.