الماتىدا قالىڭدىق ماھىرگە بيزنەس-دجەت سۇراعان

Qaz365.kz كوللاجى

الماتىدا ەڭ قىمبات ءماھىردىڭ اتى اتالدى. قالىڭدىق كۇيەۋ جىگىتتەن بيزنەس دجەت Cesna Citation ۇشاعىن سۇرادى, دەپ حابارلايدى    qandastar.kz Qaz365.kz-كە سىلتەمە جاساپ.

ءبىزدىڭ دەرەككوز بويىنشا, ۇيلەنىپ جاتقان جىگىت پەن قالىڭدىقتىڭ ەكەۋى دە قازاقستان ازاماتى. بىراق شەت مەملەكەتتە تۇرادى. قازىرگى ۋاقىتتا قالىڭدىق دۋبايدا م ۇلىك بيزنەسىمەن اينالىسادى. كۇيەۋ جىگىت كانادادا  باعالى تاس ساتۋمەن تابىس تابادى. ەكەۋىنىڭ ءبىر-بىرىمەن تانىس بولعانىنا ءبىر جىلعا جاقىنداعان. ەكەۋىنىڭ جاسى 30-دىڭ شاماسىندا. جىگىت قىزعا ءماھرىن الىپ بەرۋگە كەلىسىمىن بەردى, دەيدى سەنىمدى دەرەككوز. سونداي-اق, كۇيەۋ جىگىتتىڭ بالالار ۇيىنەن شىققانى ايتىلادى.

ايتا كەتەيىك, دجەت Cesna Citation ۇشاقتارىنىڭ باعاسى ءارتۇرلى. ەڭ كەمى 9 ميلليون دوللاردان باستالادى. مىسالى, بيزنەس دجەت Citation X مودەلىنىڭ جاڭا ماركاسى 23 ميلليون دوللار شاماسىندا.

ەسكە سالساق, بىلتىر ەلدەگى تانىمال بلوگەرلەردىڭ ءبىرى دامەليا Sweet ماھىرگە دجەت سۇرايتىنىن ايتقان. بىراق ول ازىرگە تۇرمىسقا شىققان جوق.

جالپى, ەلىمىزدە سوڭعى كەزدە بەلەڭ الىپ بارا جاتقان ءۇردىستىڭ ءبىرى – مەشىتتە نەكەسىن قيدىرعان جاس قالىڭدىقتىڭ قوماقتى ءماھىر سۇراۋى. اراب تىلىنەن اۋدارعاندا «نەكە سىيى» دەگەن ماعىنانى بىلدىرەتىن بۇل عۇرىپ يسلام ەلدەرىندە كەڭ تاراعان. ءبىر شارتى – مولدانىڭ الدىندا قالىڭدىق نە سۇراسا, كۇيەۋ جىگىتتىڭ سونى ورىنداۋى مىندەت ەكەن.

الايدا ءماھىر سۇراعان ساتتە ەر ازاماتتىڭ ماتەريالدىق دەڭگەيىن, وتباسىنىڭ الەۋمەتتىك جاعدايىن ەسكەرگەن ءجون. ويتكەنى ءماھىر كۇيەۋدى قارىزعا باتىراتىنداي كوپ نەمەسە قىزدىڭ كوڭىلىن رەنجىتەتىندەي كەم بولماۋى كەرەك. ءماھىردى بىردەن بەرۋگە, شاماسى جەتپەسە, ونىڭ ءبىر بولىگىن الدىن الا ء(ماھىر مۋعاججال) بەرىپ, قالعانىن كەيىن ء(ماھىر ءمۋاججال) بەرە الادى.