Almatyda qalyńdyq máhirge bıznes-djet suraǵan

Qaz365.kz kollajy

Almatyda eń qymbat máhirdiń aty ataldy. Qalyńdyq kúıeý jigitten Bıznes djet Cesna Citation ushaǵyn surady, dep habarlaıdy    qandastar.kz Qaz365.kz-ke silteme jasap.

Bizdiń derekkóz boıynsha, úılenip jatqan jigit pen qalyńdyqtyń ekeýi de Qazaqstan azamaty. Biraq shet memlekette turady. Qazirgi ýaqytta qalyńdyq Dýbaıda múlik bıznesimen aınalysady. Kúıeý jigit Kanadada  baǵaly tas satýmen tabys tabady. Ekeýiniń bir-birimen tanys bolǵanyna bir jylǵa jaqyndaǵan. Ekeýiniń jasy 30-dyń shamasynda. Jigit qyzǵa máhrin alyp berýge kelisimin berdi, deıdi senimdi derekkóz. Sondaı-aq, kúıeý jigittiń balalar úıinen shyqqany aıtylady.

Aıta keteıik, djet Cesna Citation ushaqtarynyń baǵasy ártúrli. Eń kemi 9 mıllıon dollardan bastalady. Mysaly, Bıznes djet Citation X modeliniń jańa markasy 23 mıllıon dollar shamasynda.

Eske salsaq, byltyr eldegi tanymal blogerlerdiń biri Damelıa Sweet máhirge djet suraıtynyn aıtqan. Biraq ol ázirge turmysqa shyqqan joq.

Jalpy, elimizde sońǵy kezde beleń alyp bara jatqan úrdistiń biri – meshitte nekesin qıdyrǵan jas qalyńdyqtyń qomaqty máhir suraýy. Arab tilinen aýdarǵanda «neke syıy» degen maǵynany bildiretin bul ǵuryp Islam elderinde keń taraǵan. Bir sharty – moldanyń aldynda qalyńdyq ne surasa, kúıeý jigittiń sony oryndaýy mindet eken.

Alaıda máhir suraǵan sátte er azamattyń materıaldyq deńgeıin, otbasynyń áleýmettik jaǵdaıyn eskergen jón. О́ıtkeni máhir kúıeýdi qaryzǵa batyratyndaı kóp nemese qyzdyń kóńilin renjitetindeı kem bolmaýy kerek. Máhirdi birden berýge, shamasy jetpese, onyń bir bóligin aldyn ala (máhir mýǵajjál) berip, qalǵanyn keıin (máhir mýájjál) bere alady.