الماتىدا قبتۋ عيماراتى ورتەندى

«تجم كۇشتەرىمەن ءورت 120 شارشى مەتر اۋماقتا تولىعىمەن جويىلدى. ءورتتى سوندىرۋگە قالالىق تجد جەكە قۇرامىنىڭ 78 ءورت ءسوندىرۋشىسى جانە 28 تەحنيكا جۇمىلدىرىلدى», دەلىنگەن ۆەدومستۆو حابارلاماسىندا.

زارداپ شەككەندەر جوق, ءورتتىڭ شىعۋ سەبەبى انىقتالۋدا. وقيعا ورنىندا انىقتاۋشىلار جۇمىس ىستەدى.

سونداي-اق ءورت ءسوندىرۋ جۇمىستارىنا عيماراتتىڭ قۇرىلىس ەرەكشەلىگى كەدەرگى بولعانى دا ناقتىلانادى.

ءورت شاتىردان شىققاندىقتان ءورت سوندىرۋشىلەر, ەڭ الدىمەن, بيىكتە ءىلۋلى تۇرعان قازاقستان تۋىن تۇسىرگەن.

ايتا كەتسەك, قازاق-بريتان ۋنيۆەرسيتەتى الماتىدا تولە بي كوشەسىنىڭ بويىندا «ەسكى الاڭدا» ورنالاسقان تاريحي عيمارات. مۇندا 1991 جىلى 16 جەلتوقساندا قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى زاڭ قابىلداندى.

سونىمەن قاتار, الماتى قالاسى اكىمدىگى قبتۋ عيماراتىنداعى ءورتتى سوندىرۋدە تج قىزمەتتەرىنە قاجەتتى كومەك كورسەتەتىنىن حابارلادى.

«الماتى قالاسى اكىمىنىڭ ورىنباسارى بەيبىت شاحانوۆ, سونداي-اق قۇرىلىمدىق بولىمشەلەردىڭ باسشىلارى وقيعا ورنىندا بولدى. المالى اۋدانىنىڭ اكىمدىگى ءورت سوندىرۋشىلەرگە ىستىق تاماق پەن سۋسىن بەرۋدى ۇيىمداستىردى»,  دەلىنگەن الماتى اكىمدىگىنىڭ حابارلاماسىندا.