Almatyda QBTÝ ǵımaraty órtendi

«TJM kúshterimen órt 120 sharshy metr aýmaqta tolyǵymen joıyldy. О́rtti sóndirýge qalalyq TJD jeke quramynyń 78 órt sóndirýshisi jáne 28 tehnıka jumyldyryldy», delingen vedomstvo habarlamasynda.

Zardap shekkender joq, órttiń shyǵý sebebi anyqtalýda. Oqıǵa ornynda anyqtaýshylar jumys istedi.

Sondaı-aq órt sóndirý jumystaryna ǵımarattyń qurylys ereksheligi kedergi bolǵany da naqtylanady.

О́rt shatyrdan shyqqandyqtan órt sóndirýshiler, eń aldymen, bıikte ilýli turǵan Qazaqstan týyn túsirgen.

Aıta ketsek, Qazaq-brıtan ýnıversıteti Almatyda Tóle bı kóshesiniń boıynda «eski alańda» ornalasqan tarıhı ǵımarat. Munda 1991 jyly 16 jeltoqsanda Qazaqstan Respýblıkasynyń memlekettik táýelsizdigi týraly zań qabyldandy.

Sonymen qatar, Almaty qalasy ákimdigi QBTÝ ǵımaratyndaǵy órtti sóndirýde TJ qyzmetterine qajetti kómek kórsetetinin habarlady.

«Almaty qalasy ákiminiń orynbasary Beıbit Shahanov, sondaı-aq qurylymdyq bólimshelerdiń basshylary oqıǵa ornynda boldy. Almaly aýdanynyń ákimdigi órt sóndirýshilerge ystyq tamaq pen sýsyn berýdi uıymdastyrdy»,  delingen Almaty ákimdiginiń habarlamasynda.