Almatyda quny 700 mıllıon teńge bolatyn jerler memleketke qaıtaryldy

Qala prokýratýrasynan habarlaǵandaı, 2009 jyly memleket muqtajy úshin Shyǵys aınalma avtojolynyń qurylysyna baılanysty naryqtyq quny boıynsha 1,2 mlrd teńgege Radlov kóshesi boıynsha 13 jer ýchaskesi satyp alynǵan.

«Almaty ÁKK» AQ 2021 jyly alynǵan ýchaskelerdiń biri (35 akr) qoǵamdyq is-sharalar keshenin salý úshin JShS-ge berilgen.

​«Aýdany 3500 sharshy metr ǵımarattyń ornyna zańdy tulǵa 22 sharshy metr tehnıkalyq úı-jaı turǵyzyp, 32 mln teńgege jerdi jekemenshikke zańsyz satyp alǵan. ​Bul rette, ýchaskede halyq pen qala úshin qoǵamdyq mańyzy joq, kezekti kommerııalyq obektini salý is júzinde josparlanǵan», — delingen habarlamada.

​Medeý aýdany prokýratýrasynyń talap aryzy boıynsha sot mámilelerdi jaramsyz dep tanydy (zańdy kúshine engen joq).