Almatyda kúzetshini soqqyǵa jyqqan er adam qolǵa tústi

Foto:vıdeo skrınshot

Almatyda turǵyn úı kesheniniń aýlasynda kúzetshini soqqyǵa jyqqan er adam qolǵa tústi. Oqıǵa Bostandyq aýdanyndaǵy kópqabatty úı aýlasynda bolǵan, dep habarlaıdy qandastar.kz

Kýágerlerdiń aıtýynsha, júrgizýshi shlagbaýmnyń ashylýyn uzaq kútken. Birneshe ret sıgnal bergennen keıin, kúzetshi oǵan sabyr saqtaýdy ótinip, eskertý jasaǵan. Alaıda bul qarapaıym eskertý kútpegen jerden janjalǵa ulasyp, júrgizýshi kúzetshige judyryq ala júgirgen.

Atalǵan oqıǵaǵa qatysty Almaty qalalyq Polıııa departamenti resmı túsinikteme berdi.

Bostandyq aýdandyq polıııa basqarmasy «uryp-soǵý» faktisi boıynsha qylmystyq is qozǵady. Kúdikti ustalyp, polıııa bólimshesine jetkizildi. Qazirgi ýaqytta tergeý aıasynda is jan-jaqty, tolyq ári obektıvti qaralýy úshin keshendi sharalar júrgizilýde, — dedi qalalyq PD resmı ókili Saltanat Ázirbek.

Oqıǵa qoǵam nazarynan tys qalmady. Áleýmettik jelilerde kópshilik kúzetshiniń áreketin sabyrly ári kásibı dep baǵalap, júrgizýshiniń áreketin qatań synǵa aldy. Pikir jazýshylardyń basym bóligi mundaı áreketterge qatań jaza qoldaný kerek dep esepteıdi.

Aıta keteıik, QR Qylmystyq kodeksiniń 140-babyna sáıkes, «uryp-soǵý nemese densaýlyqqa jeńil zııan keltirý» faktisi boıynsha kináli tulǵaǵa aıyppul salý, túzeý jumystary nemese bas bostandyǵyn shekteý sekildi jazalar qarastyrylǵan. Tergeý nátıjesine qaraı naqty jaza túri anyqtalatyn bolady.