جاڭالىقتار
الماتىدا ءورت ورىن الدى

فوتو: تجم
بۇگىن تاڭەرتەڭ الماتىدا التى قاباتتى اكىمشىلىك عيماراتتا ءورت شىقتى. وقيعا ورنىنا توتەنشە جاعدايلار دەپارتامەنتىنىڭ باسشىسى نۇرلان اتىعاەۆ كەلدى, دەپ حابارلايدى qandastar.kz
مينيسترلىكتىڭ Telegram-كانالىندا حابارلانعانداي, ءورت جەتىسۋ اۋدانىنداعى نوۆگورودسكايا كوشەسىندەگى اكىمشىلىك عيماراتتا شىققان.
توتەنشە جاعداي ورنىنا جوعارى دارەجەلى قۇتقارۋشىلار كەلدى.
ء«ورت ءسوندىرۋ ەسەپتوپتارىنىڭ جەدەل كەلۋىنە قاراماستان, ءورت ءورشىپ كەتكەن. عيماراتتىڭ شاتىرى مەن قاپتاماسى تولىعىمەن جالىنداپ جانىپ جاتتى. ءورتتىڭ تارالۋىنا لاك-بوياۋ ونىمدەرى بار ىدىستاردىڭ جارىلىسى, سونداي-اق ءورت تۋرالى كەش حابارلانعانى ىقپال ەتتى.
ءورتتى ءسوندىرۋ عيمارات ىشىندە لاك-بوياۋ ونىمدەرىنىڭ بولۋىنا بايلانىستى قيىنداي ءتۇستى», — دەلىنگەن تجم حابارلاماسىندا.
ءورت ورنىندا الماتى تجد باسشىسى پولكوۆنيك نۇرلان اتىعاەۆتىڭ باسشىلىعىمەن جەدەل ءورت ءسوندىرۋ شتابى جۇمىس ىستەپ, ۇزدىكسىز سۋ بەرۋ ۇيىمداستىرىلدى. سونداي-اق ءورتتى سوندىرۋگە تجم اۆتوپوەزدى تارتىلدى.
ءورت 06:46-دا ءسوندىرىلدى. زارداپ شەككەندەر جوق.