الماتىدا وزگە ۇلت وكىلدەرىنە قازاق ءتىلى ەرەكشە تاسىلمەن ۇيرەتىلە باستادى

الماتىدا وزگە ۇلت وكىلدەرىنە قازاق ءتىلى ەرەكشە تاسىلمەن ۇيرەتىلە باستادى. قالالىق № 171 ورتا مەكتەپتىڭ ۇستازدارى وقۋشىلاردىڭ مەملەكەتتىك تىلگە دەگەن قىزىعۋشىلىعىن وياتىپ, 70%-عا دەيىن قازاق تىلىندە كوممۋنيكاتسيالىق ورتا قۇرۋ باستى ماقساتىمىز دەيدى. قازىر ءبىلىم ورداسىندا 17 ۇلتتىڭ وكىلى وقيدى. ولارعا مەملەكەتتىك ءتىلدى ۇيرەتۋ باعىتىندا ءتۇرلى ترەنينگتەر, لەكتسيالار تۇراقتى ۇيىمداستىرىلىپ كەلەدى. قازاق اۆتورلارىنىڭ شىعارمالارى وقىتىلىپ, ولاردى تەرەڭىرەك زەرتتەۋ دە قولعا الىنعان.

ۆەنەرا مادجارا, قالالىق №171 ورتا مەكتەپ ديرەكتورى:

مەنىڭ ويىمشا, ءبارىمىز مەملەكەتتىك ءتىلدى ءبىلۋىمىز كەرەك. بارلىق وقۋشىلار ءوزىنىڭ بولاشاعىن قازاقستانمەن بايلانىستىرادى. سوندىقتان قازاق ءتىلىن ءبىلۋ — زامان تالابى. سونىمەن قاتار, بالالار ءۇش ءتىلدى بىردەي مەڭگەرسە, بۇل ءبىلىم سالاسىنا ۇلكەن وزگەرىستەر الىپ كەلەتىنىنە سەنىمدىمىن.