Almatyda TikTok mektebi ashylady

Almatyda Jastar saıasaty basqarmasynyń qoldaýymen kreatıvti jastarǵa arnalǵan TikTok mektebi ashylady, dep habarlaıdy Qandastar.kz aqparat portaly Almaty.tv-ge silteme jasap.

Oqý baǵdarlamasy eki aıǵa josparlanǵan jáne aralas formatta ótedi. Sabaq jartylaı onlaın, jartylaı oflaın formatta uıymdastyrylady. Kýrsty TikTok salasynyń mamany, álem boıynsha aýdıtorııasy  23 mıllıonnan asa oqyrmany bar bloger júrgizedi.

Mektep qatysýshylarǵa kontent jasaýdyń qyr-syryn jáne ony árimen damytýǵa baǵyttalǵan. Oqý barysynda jastar TikTok trendterimen, platformanyń algortımderimen, storıtellıng negizderimen, túsirilim jáne montaj ádisterimen tanysady. Sonymen qatar jeke brend qalyptastyrý men aýdıtorııamen jumys isteý máselelerine erekshe kóńil bólinedi.

Almaty qalasy Jastar saıasaty basqarmasynda atap ótkendeı, joba jastardyń shyǵarmashylyq áleýetin arttyrýǵa jáne olardy zamanaýı ıfrlyq ındýstrııalarǵa tartýǵa arnalǵan tıimdi alań bolmaq.

Alǵashqylardyń biri bolyp tirkelgen – jas kontentmeıker Ernar Sembekov. Ol beınejazbalar túsirip júrgenimen, qaralym men jazylýshylar sanyn arttyrýda qıyndyqtarǵa tap bolýda.

«Mektep men úshin kontentpen durys jumys isteýdi úırenýge úlken múmkindik. Sarapshylardan aqyl-keńes alyp, óz ıdeıalarymdy sátti jobalarǵa aınaldyrýdy úırenemin dep úmittenemin», – dedi ol.

О́tinimder 6 maýsymǵa deıin qabyldanady.