الماتىدا ءتىرى تۇيەلەردى دەكوراتسياعا پايدالانعان مەيرامحانا سىنعا قالدى

الماتىداعى «پينتا» مەيرامحاناسى ءتىرى تۇيەلەردى ويىن-ساۋىققا پايدالانعانى ءۇشىن جۇرتتىڭ سىنىنا قالدى, دەپ حابارلايدى Qandastar.kz سايتى Stan.kz-كە سىلتەمە جاساپ.

قوناقتار مەن جەلى قولدانۋشىلارى مەكەمەنىڭ جانۋارلارعا دەگەن قاتىگەزدىگىن ايىپتاپ, 2GIS پلاتفورماسىنداعى شاعىمدارىن جازدى

mlfscl ەسىمدى وقىرمان گوگول, 169 مەكەنجايىنداعى مەيرامحانانىڭ ءبىر جىل بۇرىن دا مەكەمە تۇيەلەردى پايدالانعانىن ايتتى.

«ىشىمدىك ىشەتىن مەكەمەدە ۇنەمى توبەلەستەر مەن تارتىپسىزدىك بولاتىنى بەلگىلى. ءوزىڭىز قوناقتاردى باقىلاپ تا ۇلگەرمەيسىز. سوعان قاراماستان بۇل جەرگە جانۋارلاردى اكەلەسىز. ءسىز جانۋارلاردىڭ ىشىمدىككە ارالاسقان ادامدار اراسىنداعى توبەلەستەر كەزىندە قاۋىپسىزدىگىن قامتاماسىز ەتە الادى دەپ سەنىمدىسىز بە? بۇل تۋرالى ءبىر جىل بۇرىن ستوريستە جاريالاعانمىن, بىراق ەشقانداي ارەكەت جاسامادىڭىز. سوندا دا مەكەمە جانۋارلارعا قاتىگەزدىك كورسەتۋگە ماجبۇرلەپ وتىر», – دەپ شاعىمداندى قىز.

جەلى قولدانۋشىلارى اناستاسيا مەن الەكس كريۆونوگوۆ مەكەمەگە نارازىلىعىن ءبىلدىردى. اناستاسيا پينتا مەيرامحاناسىنىڭ ارەكەتىن زاماناۋي قوناقجايلىلىققا مۇلدە سايكەس كەلمەيتىنىن ايتىپ, جانۋارلاردى ويىن-ساۋىق ءۇشىن پايدالانۋدى سىنعا الدى.

ال الەكس كريۆونوگوۆ ءوز حابارلاماسىنىڭ مودەراتور تاراپىنان وشىرىلۋىنە نارازى بولىپ, ءتىرى جانۋارلاردى دەكوراتسيا رەتىندە قولدانۋدىڭ دۇرىس ەمەس ەكەنىن, ولاردىڭ ءومىرى مەن ەركىندىگىن قۇرمەتتەۋدىڭ ماڭىزدى ەكەنىن اتاپ ءوتتى.

«وسى مەكەمەگە جانە پينتا جەلىسىنە بارۋعا كەڭەس بەرمەيمىن. ولار قورعانسىز جانۋارلاردى ماركەتينگ ءۇشىن پايدالانادى», – دەپ جازدى تاعى ءبىر جەلى قولدانۋشىسى.