الماتىدا ۇقشۇ قاۋىپسىزدىك كەڭەستەرى حاتشىلارى كوميتەتىنىڭ وتىرىسى ءوتتى

الماتىدا ۇجىمدىق قاۋىپسىزدىك تۋرالى شارت ۇيىمىنىڭ قاۋىپسىزدىك كەڭەستەرى حاتشىلارى كوميتەتىنىڭ وتىرىسى ءوتتى. قاتىسۋشىلار ۇيىمعا قاراستى ايماقتاعى جاعداي جونىندە پىكىر الماستى

قازاقستان رەسپۋبليكاسى قاۋىپسىزدىك كەڭەسىنىڭ حاتشىسى عيزات نۇرداۋلەتوۆ ارىپتەستەرىنە ۇيىم قىزمەتىنىڭ وزەكتى باعىتتارىن, قازاقستاننىڭ ۇيىمعا توراعالىعىنىڭ باسىمدىقتارى اياسىنداعى ەلىمىزدىڭ ۇستانىمىن ايتتى. حالىقارالىق تەرروريزم, كيبەرقىلمىس, ەسىرتكى مەن قارۋ-جاراقتىڭ زاڭسىز اينالىمى سياقتى قاۋىپ-قاتەرلەرگە قارسى ءىس-قيمىل شارالارىنا دا نازار اۋدارىلدى. وتىرىس قورىتىندىسى بويىنشا «تاجىك-اۋعان شەكاراسىن نىعايتۋ جونىندەگى ۇيىمنىڭ ماقساتتى مەملەكەتارالىق باعدارلاماسى تۋرالى» شەشىمىنىڭ جوباسى ماقۇلداندى. جيىنعا قاتىسۋشىلار ۇيىمدى ودان ءارى نىعايتۋعا نيەتتى ەكەنىن راستادى. يمانعالي تاسماعامبەتوۆ, ۇقشۇ باس حاتشىسى: – ۇجىمدىق قاۋىپسىزدىك تۋرالى شارت ۇيىمىنىڭ بىرىككەن كۇشتەرىن زاماناۋي اسكەري تەحنيكامەن قامتاماسىز ەتۋ ءۇشىن حاتشىلىق شتابپەن بىرلەسىپ قۇجات جوباسىن ازىرلەدى.

ول ورتالىق ازيا ايماعىندا ۇجىمدىق كۇشتەردىڭ قۇرامىنا كىرەتىن اسكەري بولىمدەر مەن قۇرىلىمدارىڭ اسكەري ءال-اۋقاتىن ارتتىرۋعا مۇمكىندىك بەرەدى.