جاڭالىقتار
الماتىدا جاس كەلىنشەك ەسىرتكى تاراتقان
الماتى قالاسىنىڭ ەسىرتكى قىلمىسىنا قارسى كۇرەس ءبولىمىنىڭ قىزمەتكەرلەرى جەدەل ءىس-شارالار بارىسىندا سينتەتيكالىق ەسىرتكىنى ساقتادى جانە تاراتتى دەگەن كۇدىكپەن جاس كەلىنشەكتى ۇستادى, دەپ حابارلايدى qandastar.kz اقپاراتتىق پورتالى turkystan.kz سايتىنا سىلتەمە جاساپ.
— جەكە ءتىنتۋ كەزىندە ودان زات سالىنعان جيىرمادان استام بايلام تاركىلەندى, ساراپتاما قورىتىندىسى بويىنشا, ول «الفا-PVP» ەكەنى راستالدى. پسيحواكتيۆتى زات اسا قاۋىپتى ەسىرتكى ساناتىنا جاتادى. سونداي-اق ۇيالى تەلەفون تاركىلەندى. كۇدىكتى ۋاقىتشا ۇستاۋ يزولياتورىنا قامالدى. وعان قاتىستى سوتقا دەيىنگى تەرگەۋ امالدارى جۇرگىزىلىپ جاتىر, — دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇماباەۆ.
پوليتسيا ازاماتتاردى قىراعى بولۋعا شاقىرادى. ينتەرنەتتەگى «وڭاي اقشا» تۋرالى كۇماندى ۇسىنىستارعا كەلىسپەڭىز.
