Almatyda jas kelinshek esirtki taratqan

Almaty qalasynyń Esirtki qylmysyna qarsy kúres bóliminiń qyzmetkerleri jedel is-sharalar barysynda sıntetıkalyq esirtkini saqtady jáne taratty degen kúdikpen jas kelinshekti ustady, dep habarlaıdy qandastar.kz aqparattyq portaly turkystan.kz saıtyna silteme jasap. 

— Jeke tintý kezinde odan zat salynǵan jıyrmadan astam baılam tárkilendi, saraptama qorytyndysy boıynsha, ol «alfa-PVP» ekeni rastaldy. Psıhoaktıvti zat asa qaýipti esirtki sanatyna jatady. Sondaı-aq uıaly telefon tárkilendi. Kúdikti ýaqytsha ustaý ızolıatoryna qamaldy. Oǵan qatysty sotqa deıingi tergeý amaldary júrgizilip jatyr, — dedi Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaev.

Polıııa azamattardy qyraǵy bolýǵa shaqyrady. Internettegi «ońaı aqsha» týraly kúmándi usynystarǵa kelispeńiz.