الماتىدا جىل باسىنان بەرى 29 مىڭ جاڭا جۇمىس ورنى اشىلدى – باقىتجان ساعىنتاەۆ

الماتىدا قازاقستان پرەزيدەنتى قاسىم-جومارت توقاەۆتىڭ قاتىسۋىمەن قالانىڭ الەۋمەتتىك-ەكونوميكالىق دامۋىنا ارنالعان كەڭەس ءوتىپ جاتىر, دەپ حابارلايدى قازاقپارات ءتىلشىسى.

اتالعان كەڭەستە الماتى قالاسىنىڭ اكىمى باقىتجان ساعىنتاەۆ 2019 جىلدىڭ 9 ايىنداعى دامۋدىڭ نەگىزگى ناتيجەلەرىنە جانە قالانىڭ الدىندا تۇرعان ءتۇيىندى ماسەلەلەرگە قىسقاشا توقتالىپ ءوتتى.

«قازىرگى كورسەتكىشتەر الەۋمەتتىك-ەكونوميكالىق دامۋدىڭ وڭ ديناميكاسىن كورسەتىپ وتىر. ءى-ءشى جارتىجىلدىقتا جالپى وڭىرلىك ءونىم ءوسىمى 4,1%-دى قۇرادى. ونەركاسىپ 5,9%-عا ارتتى. ينۆەستيتسيا – 5,5%-عا, قۇرىلىس – 3,1%-عا,تۇرعىن ءۇيدى پايدالانۋعا بەرۋ – 2,8%-عا ءوستى. ينفلياتسيا 3,3%-دان اسپايدى. جۇمىسسىزدىق دەڭگەيى 5,1%-عا دەيىن تومەندەدى. جىل باسىنان بەرى 29,2 مىڭ جاڭا جۇمىس ورنى اشىلدى. سالىقتىق اكىمشىلەندىرۋدى جاقسارتۋ ەسەبىنەن مەملەكەتتىك بيۋدجەتكە تۇسەتىن سالىق وتكەن جىلعا قاراعاندا 12,4%-عا كوپ جينالدى»,- دەدى باقىتجان ساعىنتاەۆ.