Almatydaǵy Arbatta qyz ben jigit tóbelesti

Foto: skrın

Almatyda qyz ben jigit arasyndaǵy tóbelestiń vıdeosy áleýmettik jelige tarap ketti. Bolǵan jaǵdaıǵa qatysty polıııa túisinikteme berdi, dep habarlaıdy qandastar.kz

Vıdeodan qyz ben jigittiń bir-birine judyryq ala júgirgenin baıqaýǵa bolady. Jastar arasyndaǵy janjaldyń 12 sáýirge qaraǵan túni Arbat kóshesinde bolǵany anyqtaldy.

Qyz ben jigittiń arasyndaǵy daýǵa ne sebep bolǵany ázirge belgisiz.

Boıjetken jigitti qýyp jetip urmaq bolǵanda, er adam onyń betinen jáne basynan birneshe ret judyryqpen urady. Keıin ondaǵy jigitterdiń biri er adamdy toqtatpaq bolyp alyp ketti. Soqqy saldarynan qyz táltirekteı turyp, basyn ustap ketip qaldy.

Almaty qalalyq polıııa departamenti bul fakti boıynsha Almaly aýdandyq polıııa basqarmasy tekserý júrgizip jatqanyn málimdedi.

“Oqıǵanyń obektıvti mán-jaıy anyqtalyp jatyr”, – dedi polıııa.

Vedomstvodaǵylar kináli adam mindetti túrde ustalyp, jaýapkershilikke tartylady dep sendirdi.